«Tynys» kásiporny jumysshylar aldyndaǵy áleýmettik jaýapkershilikti birinshi kezekke qoıylyp otyr. Qazirgi tapsyrystyń basym kópshiligi álemdik pandemııaǵa qajetti qural-jabdyqtar.
–Qazirgi basty mindet tórtkúl dúnıeni teńseltip turǵan jaman aýrýmen jaǵalasý. Jaǵalasý ǵana emes, jeńip shyǵý. Jumysshylarymyzdyń áleýmettik jaǵdaıyn, indetpen kúresýdiń amaldaryn jasap jatyrmyz. Bizdiń kásiporynda qaladaǵy ǵımarattardy, kólikterdi zalalsyzdandyratyn jyljymaly qondyrǵylar daıyndalady. Ázirge onyń 500 danasyn tutynýshylarǵa tapsyrdyq. Buryn bul qondyrǵy kásiporynnyń negizgi ónimi bolmaǵandyqtan, jylyna 20-30-yn ǵana daıyndaýshy edik, endi aıyna elýden astamyn daıyndaýǵa kóshtik. Onyń 17-sin jergilikti ákimshilik arqyly bizdiń týberkýlezge qarsy kúres dıspanseri aldy,–deıdi «Tynys» aksıonerlik qoǵamynyń bas dırektory Qaırat Qalmanbaev.
Apparatty qurastyratyn bólshekter Reseıden alynady. Qazirgi jaǵdaıǵa baılanysty bul jumys biraz irkilip qalǵan. Áıtse de, mınıstrlik deńgeıinde bul másele sheshilip jatyr. Qazirgi tańda kásiporynda 850-den astam adam eńbek etedi. Daıyn ónimge degen suranys kúnnen-kúnge artýda. Zaýyttyń ınjener-konstrýktorlary jumysshylardyń densaýlyǵyn qorǵaý maqsatynda taǵy bir jańa qondyrǵy oılap taýypty.
–Syrttan keletin jumysshylardy dezınfeksııalaýǵa arnalǵan qurylǵy. Eritindiniń quramynda 60-70 prosent spırt bar. Mundaı qurylǵylar Qytaı, Túrkııa zaýyttarynda jasalady eken. asa qajet osy qurylǵyny biz de jasaı alamyz,–deıdi «Tynys» aksıonerlik qoǵamy energo-mehanıkalyq qyzmetiniń bastyǵy Qanat Aqylbekov.
Qazirgi ýaqytta zaýytta medısınalyq maskalar tigý isi de qolǵa alynǵan. Otandyq elektr qozǵaltqyshty múgedekter arbasy da osy zaýytta qurastyrylady.
Kókshetaý qalasy
