Sonymen qatar Prezıdent Qasym-Jomart Toqaev otandyq ǵalymdardyń indetpen kúresýde zertteý jumystaryn júrgizip, naqty nátıjege qol jetkizýiniń mańyzdylyǵyna erekshe mán berip otyr. Memleket basshysynyń tótenshe jaǵdaıd baqylaý barysyndaǵy: «Biz sizderdiń ǵylymı jumystaryńyzǵa zor úmit artamyz. Qajetti kómek beriledi. Vırýs pen onyń taralýy bıologııalyq laboratorııalardyń, medısınalyq jáne sanıtarlyq qyzmetterdiń jumystaryna memlekettiń erekshe kóńil bólýi tıis ekenin kórsetti» deýi osy oıymyzǵa aıqyn dálel bola alady.
COVID-19 indetine qarsy zertteýler jumystaryn júrgizetin birden bir ǵylymı ortalyq – Ǵylym komıtetine qarasty 60 jyldan asa tarıhy bar «Bıologııalyq qaýipsizdik problemalary ǵylymı-zertteý ınstıtýty». BQPǴZI materıaldyq-tehnıkalyq bazasy zamanaýı qurylǵylar men qural-jabdyqtarmen jabdyqtalǵan 2-shi jáne 3-shi bıologııalyq qaýipsizdik deńgeıli zerthanalar. Instıtýttyń ǵylymı eńbekteri bıologııalyq qaýipsizdik, bıotehnologııa, vırýsologııa, molekýlalyq bıologııa jáne gendik ınjenerııa salasynyń sheteldik jáne otandyq ǵalymdarymen tanylǵan. Gendik ınjenerııa negizinde rekombınanttyq shtammdarǵa qol jetkizý tehnologııalary ıgerildi. Instıtýt ǵalymdary qysqa merzim ishinde tumaý vırýsynyń bir neshe túrine, brýsellezge, týberkýlezge, sheshek jáne t.b. vırýstarǵa qarsy vaksınalar men balamalyq test-júıeler ázirlegen. Sonymen qatar janýarlar men qustardyń 60-tan asa aýrýlaryna qarsy vaksınalar men PTR (PSR) IFT (IFA) test júıeler óndiriske engizilgen. Daıyndalǵan preparattardyń keıbiri shetelderge shyǵarylady.
Qazaqstanda SOVID-19 koronavırýsymen kúresý úshin BQPǴZI ǵalymdary vaksına ázirleý jáne synaqtan ótkizý taqyrybynda ǵylymı-tehnıkalyq baǵdarlama ázirlep, qarjylandyrýǵa usynyp otyr.
BQPǴZI ǵalymdarynyń asa qaýipti ınfeksııalarǵa qarsy vaksına ázirleý boıynsha aldyńǵy jyldardaǵy orasan zor tájirıbesi 1-2 jyl ishinde koronavırýsqa qarsy otandyq vaksınany óndirý tehnologııasyna qol jetkiz alatynyn kórsetedi.
Kúnsulý ZAKARIIа,
BQPǴZI dırektory
