Búgin, 3 sáýir kúni Prezıdent janyndaǵy Tótenshe jaǵdaı rejımin qamtamasyz etý jónindegi memlekettik komıssııa koronavırýs ınfeksııasynyń taralýyn shekteý maqsatynda tirshilik áreketin qamtamasyz etýmen jáne turǵyndardyń densaýlyǵymen baılanysty uıymdardy qospaǵanda, barlyq kásiporyndar men uıymdar úshin Nur-Sultan jáne Almaty qalalarynda kúshine engen jumyssyz rejımdi osy jyldyń 13 sáýirine deıin uzartý týraly sheshim qabyldady.
Osyǵan baılanysty 13 sáýirge deıin elordanyń qoǵamdyq kóligi júrmeıdi. Qazirgi jaǵdaıda Nur-sultan qalasynda qoǵamdyq kólik birinshi kezekte tynys-tirshilikti qamtamasyz etetin mamandardy tasymaldaýǵa baǵyttalǵan.
Búgingi kúni bizdiń ortaq mindetimiz - ekonomıkanyń turaqty jumysyn qamtamasyz etý, azamattardy áleýmettik qorǵaý úshin synı salalardy qoldaý. «City Transportation Systems» kólik kompanııasy 30 naýryzdan bastap arnaıy baǵdarlarda elordanyń tynys-tirshiligin qamtamasyz etetin medısına, polısııa jáne basqa salalardyń qyzmetkerlerin tegin tasymaldaýdy uıymdastyrdy.
Buǵan qosa osy kezeńde kólik kartalaryn qashyqtan jáne lezde tolyqtyrýdyń barlyq tásilderi qoljetimsiz bolady. Sondaı-aq barlyq mamandandyrylǵan kassalar men RTVM-avtomattar jumys istemeıdi.
