Memleket basshysy Nursultan Nazarbaev 5-6 qyrkúıek kúnderi Sankt-Peterbýrg qalasynda ótetin «Úlken jıyrmalyq» sammıtine qatysady. Bul týraly Prezıdent janyndaǵy Ortalyq kommýnıkasııalar qyzmetiniń resmı ókili Altaı Ábıbýllaev habarlady.
Oqyrmanǵa osyny jetkizgen BNews.kz tilshisi resmı ókildiń Elbasy bul jıynǵa Reseı prezıdenti Vladımır Pýtınniń shaqyrýy boıynsha bara jatqanyn baıandady. «Reseı Federasııasynyń Prezıdenti jáne «Úlken jıyrmalyq» tobynyń qazirgi tóraǵasy Vladımır Pýtınniń shaqyrýymen Memleket basshysy Nursultan Nazarbaev Sankt-Peterbýrgte 5-6 qyrkúıekte ótetin «Úlken jıyrmalyq» tobynyń sammıtine qatysatynyn habarlaımyn», - dedi Ábıbýllaev.
«Úlken jıyrmalyq» toby G-20 halyqaralyq ekonomıkalyq jáne qarjylyq kún tártibindegi asa mańyzdy máseleler men aspektiler boıynsha halyqaralyq yntymaqtastyq aldynda turǵan máselelerdi jumyla talqylaýǵa arnalǵan halyqaralyq forým bolyp tabylady.
«Sammıtte Memleket basshysy Nursultan Nazarbaev sóz sóıleıdi dep kútilýde. Sonymen qatar, sammıt aıasynda Elbasy osy sammıtke qatysýshy memleket jáne úkimet basshylarynyń keıbirimen ekijaqty kezdesýler ótkizedi dep kózdelip otyr», - dep tolyqtyrdy resmı ókil.
Sáken Maılybaı.
