Sonymen qatar qytaı dárigeri koronavırýspen aýyryp, saýyqqan adamdardyń da jaı-kúıine toqtaldy. Onyń aıtýynsha, dert juǵyp, saýyqqan adamdardyń tynys alýy burynǵysynan 20-30 paıyz tómendegen. Ol qatty qımyl jasap, júgirgen kezde baıqalyp jatyr. Bul - ýaqytsha qubylys. Budan buryn SARS juqpaly indetin juqtyrǵan adamdardyń da ókpesi nasharlap, 6-12 aıdyń ishinde saýyqqan dedi.
Qytaı dárigeriniń joǵarydaǵy indettiń tizgindelý ýaqyty jaıly boljamyn basqa eldiń vırýsolog mamandary da qoldap otyr. Aıtalyq, DDSU-nyń erekshe baǵdarlamalar jónindegi dırektory Maık Raıan ótken aptada uıymdastyrylǵan baspasóz konferensııasy kezinde Eýropadaǵy ahýal turaqtana bastady, ıaǵnı bul jalpy qurlyqtyq karantın erejesiniń nátıjesi dedi.
Sol sııaqty, Ýashıngton ýnıversıtetiniń Densaýlyq saqtaýdy baǵdarlaý ortalyǵy osy aıdyń 20-nan keıin derttiń beti qaıta bastaıdy degen boljamyn jarııalady.
