Serik Ábjáliuly 1961 jyly týǵan. Qaraǵandy memlekettik ýnıversıtetin «Tarıh» mamandyǵy boıynsha úzdik bitirgen.
Eńbek jolyn 1978 jyly Jezqazǵan oblysyndaǵy «Oktıabrdiń 40 jyldyǵy» atyndaǵy keńshar jumysshysy retinde bastaǵan.
Ár jyldary Qazaqstan Respýblıkasy Eńbek jáne halyqty áleýmettik qorǵaý vıse-mınıstri, Prezıdent Ákimshiligi Ishki saıasat bóliminiń sektor meńgerýshisi, Memlekettik hatshy hatshylyǵynyń meńgerýshisi jáne Premer-Mınıstr Keńsesi basshysynyń orynbasary qyzmetterin atqarǵan.
Osy qyzmetke deıin «Memlekettik áleýmettik saqtandyrý qory» aksıonerlik qoǵamy bas dırektorynyń orynbasary qyzmetin atqarǵan.
Serik Ábjáliuly aımaqtyń ishki saıasat, jastar máselesi, mádenıet pen sport jáne jumyldyrý daıyndyǵy salalaryna jetekshilik jasap, oblys ákimdigi men quqyq qorǵaý organdary arasyndaǵy ózara is-qımyldy júzege asyrady.
Búginnen bastap oblys ákiminiń qurylys, energetıka, turǵyn úı jáne kóliktik ınfraqurylymdy damytý salalaryna jetekshilik etetin orynbasary da aýysty.
Qazaqstan Respýblıkasy Prezıdenti Ákimshiliginiń kelisimi boıynsha oblys ákiminiń ókimimen bul qyzmetke Súleımenov Serik Júsipuly taǵaıyndalyp otyr.
Serik Júsipuly 1966 jyly týǵan. S.M. Kırov atyndaǵy Qazaq memlekettik ýnıversıtetin «Matematıka» jáne «Zańtaný» mamandyqtary boıynsha bitirgen.
Qazaqstan Respýblıkasy Prezıdenti Ákimshiliginde, Qazaqstan Respýblıkasy Premer-Mınıstri Keńsesinde jáne kvazımemlekettik sektorlarda jaýapty basshylyq qyzmetterin atqarǵan.
Sońǵy jyldary Qyzylorda oblysy ákiminiń orynbasary, 2019 jyldyń sáýir aıynan bastap osy kezge deıin Energetıka mınıstrligi Atomdyq jáne energetıkalyq qadaǵalaý men baqylaý komıtetiniń tóraǵasy boldy.
