Olar 3 sáýir kúni koronavırýs ınfeksııasy anyqtalǵan erli-zaıyptylarmen qarym-qatynasta bolǵan. Qyzylordalyq erli-zaıyptylarmen baılanysta bolǵan tulǵalardy izdestirý barysynda 5-sáýir kúni Aqtaý qalasynyń 14 shaǵyn aýdanynda ornalasqan 38 úıdiń 4 turǵyny jedel stasıonarǵa jetkizilgen bolatyn. Olardan synama alynyp, ekeýinen COVID-19 anyqtaldy. Eki áıel adam da 1990 jyly týǵan О́zbekstan Respýblıkasynyń azamattary. Olar birden arnaıy boksqa oqshaýlandy. Qalǵan ekeýinen alynǵan saraptama teris nátıje berdi. Qazir provızorlyq aýrýhanada jatyr. Qazir naýqastar ýaqytsha turǵan Aqtaý qalasy, 14 shaǵyn aýdany, 38 úıdiń tutas bir podeziniń turǵyndary karantınge jabyldy. Aqtaý qalasynyń ákimdigi tártip saqshylarymen birlesip, oqshaýlaý jáne dezınfeksııalaý jumystaryn júrgizýde.
-Jalpy, 3 sáýir kúni tirkelgen naýqastar 138, onyń ishinde 23 adammen tikeleı baılanysta bolǵany anyqtaldy. Barlyǵy karantınge jabyldy. Dárigerlerdiń jiti baqylaýynda. Osy oraıda turǵyndardan úılerinde bolyp, saqtyq sharalaryn qatań saqtaý suralady, dedi E.Kúmisqalıev.
Mańǵystaý oblysy
