«30 naýryzdan bastap tótenshe jaǵdaı rejımi kúsheıtildi. Nur-Sultan qalalyq polısııa departamenti ınfeksııa taralýynyń aldyn alý maqsatynda barlyq qajetti sharalar qabyldaýda. Patrýldik polısııa jasaqtary kóbeıtildi. Azamattardyń jáne avtokólikterdiń qozǵalysy qalanyń barlyq aýdanynda qatań baqylaýǵa alyndy», deıdi qalalyq polısııa departamentiniń baspasóz ókilderi.
Sondaı-aq qalada táýlik boıy kezekshilik jumys isteıdi. Mobıldi toptar jumyldyrylǵan. Blok-beketterindegi jaǵdaı drondar arqyly baqylanady.
Qala aýmaǵy kósheler boıynsha birneshe bólikke bólingen. Onda tártip saqshylary jaǵdaıdy qadaǵalap otyrady. Qalada jalpy sany 26 beket qoıylǵan.
Aıta ketsek, 28 naýryzdan bastap elorda turǵyndaryna azyq-túlik alýǵa, medısınalyq qyzmetke júginýge nemese dári-dármek satyp alýǵa jáne arnaıy ruqsat boıynsha jumysqa barýǵa ruqsat etiledi. Qalǵan azamattardyń úıden shyǵýyna shekteý qoıyldy. Kámelet jasqa tolmaǵandar eresekterdiń qaraýynsyz qalada júrýge bolmaıdy. Otbasy múshelerin qospaǵanda, kóshede 3 adamnan artyq toptalyp júrýge tyıym salynǵan.
