Memleket basshysy Q. K. Toqaevtyń tapsyrmasy boıynsha Qazaqstan tarapy Eýrazııalyq ekonomıkalyq komıssııa Keńesiniń qaraýyna kartop, pııaz, sarymsaq, qyryqqabat, sábiz, burysh, qara bıdaı, uzyn dándi kúrish, qaraqumyq, qaraqumyq jarmasy, balalarǵa arnalǵan daıyn tamaq ónimderi, emshek sútin almastyrǵyshtar, balalarǵa arnalǵan shyryndar, dárilik zattar men olardy óndirýge arnalǵan shıkizat, COVID-2019 koronavırýsynyń aldyn alý jáne emdeý úshin qajetti medısınalyq buıymdar men medısınalyq maqsattaǵy jabdyqtar ımportyna nóldik kedendik baj salyǵyn belgileý jóninde usynys engizdi.
«Kókónis usynysynyń maýsymdyq qysqarýy, sondaı-aq jeke qorǵaný quraldary men dárilik zattarǵa degen suranystyń joǵary bolýy jaǵdaıynda qabyldanǵan sheshim halyq úshin sezimtal taýarlardyń ımporty kezindegi shyǵyndardy qysqartýǵa múmkindik beredi», - dep Eýrazııalyq ekonomıkalyq komıssııa Keńesiniń Qazaqstan atynan múshesi Álıhan Smaıylov atap ótti.
Bul bastamany barlyq EAEO-ǵa múshe memleketteri qoldady. Keden bajdaryn tómendetý 2020 jyldyń 30 maýsymyna deıingi kezeńge qabyldandy, al keıbir medısınalyq buıymdar men dári-dármekterge qatysty nóldik baj 2020 jyldyń 30 qyrkúıegine deıin qoldanylatyn bolady, qajet bolǵan jaǵdaıda sheshim uzartylýy múmkin.
