Alaıda, álemdegi azamattyq avıasııa salasynyń, onyń ishinde Qazaqstandaǵy kúrdeli jaǵdaıǵa qaramastan, koronavırýs pandemııasyna deıin bastalǵan prosester jalǵasyn tabýda. Halyqaralyq áýe kóligi qaýymdastyǵynyń (IATA) 2020 jylǵy 6 sáýirdegi arnaıy habarlamasyna sáıkes, Nur-Sultan Nazarbaev halyqaralyq áýejaıynyń qoldanystaǵy TSE úsh áripti kodyn NQZ-ge ózgertý týraly túpkilikti resmı sheshim qabyldandy.
Mınıstrlik IATA basshylyǵymen jáne sarapshylarymen búkil álem boıynsha áýejaılardyń úsh áripti kodtaryn taǵaıyndaý men ózgertý boıynsha IATA tásilderin ózgertý baǵytynda kóp jumys istegenin atap ótý qajet. Osy jumystardyń nátıjesinde álemniń barlyq elderi áýejaılarynyń úsh áripti kodtaryna ózgerister engizýge biregeı múmkindik aldy. Sonymen qatar, elimiz azamattyq avıasııa ókilderiniń búkil álem boıynsha úsh áripten turatyn áýejaı kodtaryn taǵaıyndaý men ózgertý týraly IATA qararyna túzetý engizý týraly bastamalaryn qoldaý máselesin pysyqtady.
Bul ózgeris resmı túrde 2020 jyldyń 8 maýsymynan bastap kúshine enedi jáne NQZ áýejaıdyń jańa kody áýe bıletterdi brondaýdyń barlyq júıelerinde, sonyń ishinde bıletterde, joljúk bırkalarynda, aqparattyq tablolarda qoldanylady.
