Eldegi tótenshe jaǵdaıǵa baılanysty 16 naýryzdan bastap Nur-Sultan qalasy ákimdiginiń Tilderdi damytý jáne arhıv isi basqarmasy, «Rýhanııat» ortalyǵy memlekettik qyzmetshilerge, túrli sala mamandaryna, eresek adamdarǵa til úırený kýrstaryn qashyqtan oqý platformasy arqyly júzege asyrady. Búginde 1326 tyńdaýshyǵa ZOOM, Whatsapp jáne t.b. qosymshalar arqyly qazaq tilinen onlaın kýrs oqytylýda. Sonymen qatar, 110 memlekettik qyzmetker aǵylshyn tilinen onlaın kýrsqa qatysyp jatyr.
Eresek adamdarǵa bilim berýdiń túrli ádisterin qoldana otyryp, tájirıbeli, bilikti oqytýshylar sabaq beredi. Topta oqý men sabaq kestesi ózine tıimsiz dep sanaıtyn eresekter úshin onlaın oqýdyń paıdasy orasan zor. Onlaın oqý úshin til úırenýshilerge ınternetke qosylǵan derbes kompıýter men Skype baǵdarlamasy qajet. Oqý úderisinde bilim alýshylardyń deńgeıi ártúrli bolýyna baılanysty, til úırenýshilerdiń talabyna, suranysyna baǵyttalǵan ádis-tásilder qoldanylady.
Máselen, elordanyń № 8, 10 emhana qyzmetkerleri qazaq tilin úırený kýrsyna jumystan bos ýaqytta qatyssa, Halyqqa qyzmet kórsetý ortalyǵy mamandaryna «Qoljetimdi orta qurý» jobasy aıasynda aǵylshyn tilinen onlaın kýrsqa qatysady.
