«Men densaýlyǵymyzdy saqtap, adamdarǵa úmit syılap, vırýsty jeńý mıssııasy júktelgen barlyq dárigerge shyn júrekten tántimin. Dárigerler aýrý tasymaldaýshylarmen tikeleı baılanysta bolyp, qaýipti, qaterli alańda júr», – dep jazady Q.Ábden.
Onyń aıtýynsha, birde-bir dáriger vırýsty juqtyrý qaýpine qaramastan, óz qyzmetin tastamaı, kásibı mindetin tabandylyqpen atqaryp keledi.
«Barlyq qazaqstandyqtarǵa dárigerlik jáne azamattyq jaýapkershilikti qosa atqaryp júrgen elorda máslıhatynyń dáriger-depýtattary týraly aıtqym keledi. О́ıtkeni, máslıhat depýtatynyń jumysy aqy tólenbeıtin, qoǵamdyq jumys sanalady», – deıdi Q. Ábden.
Nur-Sultan qalalyq «Onkologııa ortalyǵynyń» bas dárigeri Muhtar Tóleýtaev óz áriptesterimen birge koronavırýsqa kúdikti adamdardy karantınge alǵash bolyp qabyldaı bastaǵan. Tájirıbeli hırýrg Muhtar Esenjanuly búginde onkologııalyq aýrýhanada óz qyzmetin atqarýda. Altynshash Tabýldına – №5 emhananyń bas dárigeri. Mamandyǵy – pedıatr. Altynshash Jumashqyzy tótenshe jaǵdaı kezinde elimizdegi júzdegen áriptesteri sekildi demalys pen jeke ómir degenniń ne ekenin umytqan. Qazirgi tańda emhana dárigerleri eń úlken qaýip aımaǵynda. Olar karantınge, óz densaýlyǵyna tóngen qaýipke qaramastan, kún saıyn júzdegen adamdy qabyldaıdy. Depýtat Qaraqat Ábden óz jazbasynda medısına ǵylymdarynyń doktory, professor Májıt Shaıdarovty da atap ótti.
Basshy-strateg, dáriger-ınfeksıonıst retinde Májıt Zeınýllaulynyń mol tájirıbesi koronavırýspen kúreste paıdaly boldy. Ol óz bilgenin áriptesterimen bólisip, kúni-túni qala aýrýhanalarynda bolyp, medısınalyq mekemelerdiń jumysyn uıymdastyrýǵa kómektesýde.
«Biz kóbine ózimizge beıtanys adamdardyń áreketine tańdanamyz. Basqa elderden batyrlardy izdep tabamyz. Eger jan-jaǵymyzǵa qarasaq, naǵyz batyrlar bizdiń aramyzdaǵy dárigerler, medbıkeler men basqa da medısına qyzmetkerleri ekenin kóremiz. Osy qıyn ýaqytta olardyń bizge aıtqan keńesin tyńdap, qorqynyshty dertke qarsy kúrestegi zor úlesin baǵalap jáne eńbegi», – deıdi Q. Ábden.
