«Elimizdiń eń úlken baılyǵy – adam men onyń ómiri bolǵandyqtan, árbir adam óziniń, otbasynyń, ata-anasy men bala-shaǵasynyń ómirine, densaýlyǵyna zor janashyrlyqpen, erekshe jaýapkershilikpen qaraýy kerek. О́ıtkeni, ult densaýlyǵy – memleket qaýipsizdiginiń quramdas bóligi. Dál osy tusta bárimizge halqymyzdyń árdaıym úlkenge – qurmet kórsetip, kishige – qamqor bolatyn abzal qasıetteri septigin tıgizedi dep senemin» delingen Elbasy maqalasynda.
Elbasy qıyn jaǵdaıda kómekke muqtaj jandardy qoldaýǵa shaqyrdy.
«Adamnyń ózine degen senimi – úlken kúsh. Bul boıymyzǵa – qajyr, denemizge – qýat, júregimizge senim uıalatady. Biz qazir kómekke asa muqtaj qarııalardy, ardagerlerimizdi, kópbalaly analardy, ál-aýqaty tómenderdi, jumysqa jaramsyz jandardy erekshe qamqorlyqqa alýymyz kerek. Halqymyzdyń boıyndaǵy urpaqtan urpaqqa úzilmeı jetken eń izgi qasıetter bizdi osyǵan úndeıdi»,- dedi Nursultan Nazarbaev.
