«Búgin barsha respýblıkalyq aqparat quraldarynda Tuńǵysh Prezıdenttiń arnaıy úndeýi jarııalandy. Bul úndeý Elbasy Nursultan Ábishuly Nazarbaevtyń árqashanda halqymen birge ekenin kórsetip, halqymyzdyń yntymaǵyn odan ári nyǵaıtýǵa serpin beredi. Sebebi Elbasynyń kóregen saıasatynyń arqasynda Táýelsizdik jyldary birligimiz artyp, elimizde iri saıası, ekonomıkalyq, áleýmettik reformalar jasalyp, Qazaqstanymyz barlyq salada zor tabystarǵa jetti. Sonymen birge, bolashaqqa arnalǵan Ulttyq qorymyz da bar. Bul qazirgi kúrdeli kezeńde halqymyzdy, árbir azamatty jan-jaqty qoldaýǵa múmkindik berip otyr. Biz birlikti, kelisimdi, turaqtylyqty saqtap, ýaqytsha qıyndyqtan aman-esen shyǵatyn bolamyz», - dedi N. Nyǵmatýlın Májilistiń jalpy otyrysynda.
Aıta keteıik, búgin Tuńǵysh Prezıdent – Elbasy Nursultan Nazarbaevtyń «Birlese bilgen el bárin jeńedi» atty maqalasy jarııalandy.
