Osy oraıda ol qujattyń maqsaty áıelder men jastardyń qoǵamdyq saıası prosesterge qatysýyn yntalandyrýǵa negizdelgenin atap ótti.
«Komıtet atalǵan zań jobasyn jumysqa alýǵa jáne ol boıynsha 2020 jylǵy 27 qarashaǵa deıin qorytyndy ázirleýge daıyn» dedi N. Ábdirov.
Sonymen qatar Parlament Májilisi «Saıası partııalar týraly» Qazaqstan Respýblıkasynyń Zańyna ózgeris pen tolyqtyrýlar engizý týraly» zań jobasy boıynsha talqylaý jumystaryn bastady.
«Bul zań jobasy da Memleket basshysynyń Ulttyq qoǵamdyq senim keńesiniń ekinshi otyrysynda bergen tapsyrmalaryn oryndaýǵa baǵyttalǵan. Qujattyń basty maqsaty – sapaly partııalyq júıeni qurý, saıası partııalardy tirkeý talaptyq shegin tómendetý. Sondaı-aq zań jobasy jańa saıası partııalardyń paıda bolýyna jaǵdaı jasaýǵa jáne áıelder men jastardyń saıasatqa belsendi kelýin yntalandyrýǵa baǵyttalǵan. Komıtet atalǵan zań jobasy boıynsha 2020 jylǵy 27 qarashaǵa deıin qorytyndy ázirleýge daıyn» dedi Nurlan Ábdirov.
