Memleket basshysy Qasym-Jomart Toqaev pen Maıkl Pompeo COVID-19 indetiniń taralýyna qarsy kúreste halyqaralyq is-qımyldardy úılestirý máselelerin talqylady. Qasym-Jomart Toqaev AQSh-tyń Qazaqstanǵa qoldaý bildirip, gýmanıtarlyq kómek kórsetkeni úshin rızashylyǵyn bildirdi.
AQSh dıplomatııasynyń basshysy Vashıngtonnyń pandemııany tezirek aýyzdyqtaý jáne onyń saldaryn joıý maqsatynda ekijaqty yqpaldastyqty arttyrý nıetin naqtylady.
Memleket basshysy Qazaqstannyń Ortalyq Azııa elderindegi epıdemıologııalyq jáne azyq-túlik qaýipsizdigin qamtamasyz etý úshin kómektesýge daıyn ekenin aıtty.
Áńgimelesý barysynda Qazaqstan men Amerıka arasyndaǵy saıası dıalogty odan ári tereńdetý jáne saýda-ekonomıkalyq yntymaqtastyqty nyǵaıtý týraly ýaǵdalastyqqa qol jetkizildi.
Taraptar Qazaqstan men AQSh arasyndaǵy strategııalyq seriktestikti arttyrýdyń, Ortalyq Azııada turaqtylyq pen qaýipsizdikti saqtaý maqsatynda atqaratyn birlesken jumystardy jalǵastyrýdyń mańyzdylyǵyn atap ótti.
