Sonymen qatar, tótenshe jaǵdaı kezinde tabysynan aıyrylǵandarǵa, sondaı-aq qıyn jaǵdaıǵa tap bolǵan ózin-ózi jumyspen qamtyǵandarǵa 1 ETJ nemese 42 500 teńge tóleýdi tapsyrdy. Boljam boıynsha, qoldaý úshin 3 mıllıonǵa jýyq qazaqstandyq ótinish bildirýi múmkin.
Memleket basshysynyń shuǵyl tapsyrmasyn oryndaý úshin «Azamattarǵa arnalǵan úkimet» memlekettik korporasııasy» kommersııalyq emes AQ Áleýmettik blogynyń qyzmetkerlerine júkteme 4 esege artty. «Azamattarǵa arnalǵan úkimettiń» Mańǵystaý oblysy boıynsha fılıalynyń ujymy áleýmettik turaqtylyqty saqtaý úshin, Prezıdenttiń qaıta esepteý jónindegi tapsyrmasyn oryndaý maqsatynda onlaın qyzmet kórsetýge kiristi. Fılıaldyń baspasóz qyzmetiniń habarlaýynsha, bul jumysqa fılıaldyń áleýmettik blogynyń 64 qyzmetkeri jumyldyrylǵan.
- Jumys kestesi tańǵy saǵat 8.00-den bastalyp 22.00-ge deıin, keıde odan da uzaqqa sozylýda. Olar azamattardyń ótinishterin qabyldaıdy, tekseredi jáne ýákiletti organǵa jiberedi. Áleýmettik saqtandyrý jónindegi memlekettik qordyń (GFSS) rastaýynan keıin qujattardy tólem jasaý úshin bazaǵa engizedi. Búginde deıin respýblıka boıynsha kelip túsken 1 mıllıon 200 myńǵa jýyq ótinishtiń 6463 myńnan astamy Mańǵystaý oblysynyń úlesinde. Fılıal qyzmetkerleri olardy óńdep, tólem jasaýdy qamtamasyz etýde, - deıdi fılıal dırektory Erbol Baıjigit.
«Azamattarǵa arnalǵan úkimet memlekettik korporasııasy» kommersııalyq emes aksıonerlik qoǵamy Mańǵystaý oblysy boıynsha fılıaly qazirgi tańda tolyǵymen onlaın qyzmet kórsetýge kóshti. Qyzý jeli boıynsha jalpy sany 105 operator qońyraý qabyldap otyr. Olardyń ishinde 88 menedjer qashyqtan turǵyndardyń saýaldaryna jaýap berip, beıneqalaý arqyly onlaın túrde qajetti qujattaryn rásimdeýge kómektesýde. Jalpy oblys boıynsha kúnine 7000-ǵa jýyq qońyraýǵa jaýap berildi.
Mańǵystaý oblysy
