Epıdemııa bastalǵaly ıt pen mysyqtyń de vırýs juqtyrǵany anyqtalǵan. Gonkongta koronavırýs juqtyrǵan jalǵyz ıt emdelgennen keıin ólip qalǵan. Belgııada aıaq astynan qyzýy kóterilgen mysyqty teksergen kezde onyń vırýs juqtyrǵany belgili bolǵan. Dál osyndaı jaǵdaı Qytaıda da kezdesken.
Janýarlar aýrýdy óz qojaıynynan nemese kósheden juqtyrǵan. Sondyqtan Brıtanııanyń veterınarlary adam vırýspen aýyryp, karantınge alynsa, onda úıdegi janýarlardy da bólek ustaý kerektigin eskertedi.
Keıbir sarapshylar úı janýarlarynan adamǵa vırýs juǵýy múmkin degen pikirdi aıtyp qalyp júr. Biraq buǵan eshqandaı da dálel joq ázirge. Degenmen de mamandar ıt, mysyq ustaıtyn adamdarǵa saq bolýǵa shaqyrady. Janýarlar vırýs tasymaldaýshy bolmaǵanymen, júninde vırýs jabysyp júrýi múmkin. Sondyqtan janýarlardy ustaǵannan keıin gıgıena talaptaryn saqtap, qoldy sabyndap muqııat jýǵan jón.
Qymbat TOQTAMURAT
