- Aýrýdy emdeý dárigerdiń mindeti. Al odan saqtanyp júrý, ortaq talapqa baǵyný kez kelgen adamnyń ózine baılanysty. Vırýstyń taralýyna oraı talaı márte túsindirme jumystary jasaldy, biraq soǵan qulaq asyp jatqandar az. О́zine qoıylǵan dıagnozben kelispeı, aýrýhanaǵa jatýdan bas tartqandar da bolyp jatyr. Eń qıyny, toı-tomalaq tıylmaı tur, – deıdi bas dáriger.
Osyǵan deıingi shekteýlerge qaramastan 17 úı ıesi óz aýlasynda toı jasap, 48 dámhana qyzmetterin jalǵastyrǵan. Mobıldik toptar tótenshe jaǵdaı ýaqytynda belgilengen talaptardy buzǵan 90 fakti anyqtady.
Osynyń bári aýrýdyń taralý aıasyn shektep, adamdardy qaterli indetten aman alyp qalý úshin jasalyp jatqan amaldar. Bılik qolynan kelgenniń bárin jasaıdy, biraq sony turǵyndar túsinýi tıis. Jasyryp jasaǵan toıdyń aqyry topyrlaǵan aýrýǵa ulasyp jatýy kimge abyroı áperedi deısiz?...
