Aımaqtar • 09 Sáýir, 2020

Qostanaı oblysy: Qarly boran mekteptiń shatyryn julyp ketti

730 ret

kórsetildi

1 mın

oqý úshin

Jetinshi sáýirde táýlik boıy týlaǵan qarly boran Áýlıekóldegi byltyr ǵana kúrdeli jóndeýden ótken bilim oshaǵynyń shatyryn týlaq qurly kórmeı tóńkere salǵan. Dúleı boran aýyldaǵy úı shatyrlaryn, murjalar men qorshaýlardy, toq baǵandaryn qıratyp ketken. Aýyl ishindegi shyrsha, terekterdiń tamyry yrsıyp jartylaı sýyrylyp qalǵan. Uıaly telefon baılanysy úzilip, turǵyndar bir jarym táýlik boıy sýsyz, jaryqsyz qalǵan.

Nurqanat QULABAEV

Qostanaı oblysy: Qarly boran mekteptiń shatyryn julyp ketti

Aýyl turǵyndarynyń aıtýynsha, I.Sıanov atyndaǵy orta mekteptiń shashylyp qalǵan shatyryn muǵalimder men ata-analar jabylyp júrip jınastyryp qoıǵan. Mektep shatyryn ustap turǵan qańqa aǵashtar men belaǵashtar da túgelge derlik qıraǵan. Julqyna soqqan kúshti boran mektep ǵımaratynyń úshinshi qabatyndaǵy syrtqy qaptamalardy julmalap, 11 terezege zııan keltirgen.

Atalmysh mekteptiń ótken jyly ǵana kúrdeli jóndeýden ótkenin aıta ketý kerek. Jóndeý júrgizgen merdiger - «Grenada» dep atalatyn qurylys kompanııasy.

Dúleı boran Áýlıekóldiń irgesinde sozylyp jatqan Amanqaraǵaı ormanyn da aıamapty. Sereıip qulap jatqan qaraǵaı kóp. Amanqaraǵaı aýylynyń ákimdigi qulaǵan qaraǵaılardy jınap, taqtaıǵa ótkizip, mektep shatyryn bútindeýge jumsamaq.

Qostanaı oblysy