Jalandhar qalasyndaǵy jáne onyń mańaıyndaǵy eldi mekenderdiń halqy áleýmettik jelilerde kóz ushynda kólbeńdegen Gımalaıdyń sýretterin jarııalap, 30 jyl ishinde alǵash ret osylaı aıqyn menmundalap turǵanyn jarysa jazyp jatyr.
Bul qubylys koronavırýs indetine baılanysty elde engizilgen karantınniń áserinen bolyp otyr. Halyqtyń qoǵamdyq oryndardan oqshaýlanýynan sońǵy aptada aýa sapasynyń kúrt jaqsarǵany baıqalǵan. Tótenshe jaǵdaı kezinde ónerkásip oryndary jumysyn toqtalyp, kóshelerde kólik aǵyny tyıylyp, ushaqtardyń reısteri de shegerilgen.
Úndistandaǵy qorshaǵan ortanyń lastanýyn baqylaıtyn ortalyq keńesi Delıde shekteýler engizilgen alǵashqy kúnnen bastap-aq aýanyń lastanýy 44%-ǵa tómendegenin anyqtaǵan. Esepte eldiń jalpy 85 qalasynda aýanyń tazara bastaǵany kórsetilgen. Al Gımalaıdan 100 mıldeı qashyqtyqta ornalasqan Jalandharda karantınniń 17-inshi kúninde aýa sapasy tipten jaqsara túsken.
Búgingi tańda Úndistanda Covid-19 indetine ushyraǵan 6 myńǵa jýyq jaǵdaı anyqtalyp, 178 adam qaza tapqan.
