Tuńǵysh Prezıdent – Elbasy ǵasyrlar boıy san qıyndyqty esh moıymastan jeńe bilgen dana halqymyzdyń tarıhyna toqtap kele, búgingideı aýyr kezeń men daǵdarysty eńseli elimizdiń taǵy da eńsere alatynyna mol senim bildiredi. Táýelsizdiktiń alǵashqy jyldarynda memleketimizdiń aıaǵynan nyq turýy úshin qysyltaıań, kúrdeli jyldardy basynan ótkerdi. Sol kezeńderdegi Tuńǵysh Prezıdentimizdiń bilikti de sheber ustanymdary men baǵyttary, alpaýyt memlekettermen dostyq, yntymaqtastyq qarym-qatynas ustalýy, memleketter arasyndaǵy 200-ge jýyq uıymdarǵa múshe bola otyryp memleketimizdi búkil álemge tanytýy orasan zor jetistikterge qol jetkizdi. Uzaq merzimge baǵyttalǵan «Qazaqstan-2050» damý strategııasy, ult bolashaǵyn jarqyn etý jolyndaǵy iri baǵdarlamalar men júıeli júrgizilgen reformalar nátıjesin de qazirgi tańda týyndap otyrǵan zaman synynan memleketimizdiń súrinbeı ótýine jasalyp otyr.
Elimizdiń Prezıdenti – Qarýly Kúshteriniń Joǵary Bas qolbasshysy Q.K. Toqaev búgingi qıyn kezeńge baılanysty Qazaqstan halqyna arnaǵan málimdemesinde: «Tuńǵysh Prezıdentimiz N.Á. Nazarbaevtyń salıqaly saıasatynyń arqasynda táýelsizdik jyldary «Ulttyq qor men altyn-valıýta qory» quryldy. Búgingideı qıyn-qystaý kezeńde biz atalǵan qorǵa júginip otyrmyz» - dep atap ótti. Iá, Elbasy aıtqandaı, atalǵan qor elimizdiń eń úlken baılyǵy – adam men onyń ómiri úshin jumsalyp otyr.
Elbasy óz maqalasynda qazaq halqynyń danyshpan tulǵalarynyń qanatty sózderin uran ete otyryp halyqty uıymshyldyq pen temirdeı qatań tártipke, tózimdilik pen bereke-birlikke jeteleıdi. Nursultan Ábishuly elimizdi enjarlyq pen saryýaıymnan aýlaq bolýǵa bastaı otyryp, yrys pen yntymaq, ıgilik pen izgilik qasıetterinen qýat alyp qıyndyqty jeńe bilý qajet ekenine toqtalady.
Elimizdiń «Máńgilik el» bolýy men damýy jolynda Elbasynyń aǵa urpaq pen zııaly qaýym ókilderine, jańa óskin – jas urpaqqa, shaǵyn jáne orta kásipkerlerge artqan jaýapkershilik pen mindetterdiń mańyzy zor. Sondyqtan ár azamat óz Otany aldyndaǵy jaýapkershilikti túsinip, týǵan eli men nurly bolashaq úshin óz úlesin qosýy abzal.
О́shpes rýh pen qajyr-qaırat beretin memleketimiz barda, kemeńger uly halqymyz barda biz bar qıyndyqty birge jeńetińimizge senimimiz mol.
Asqar MUSTABEKOV,
general-maıor,
QR QM Radıoelektronıka jáne baılanys
áskerı-ınjenerlik ınstıtýtynyń bastyǵy
