Ulybrıtanııanyń premer-mınıstri Borıs Djonson óziniń koronavırýs juqtyrǵanyn 27 naýryzda jarııalaǵan edi. Sodan keıin úıinde oqshaýlanyp jumys istegen ol on kúnnen jaǵdaıy kúrt nasharlap, osy aptanyń basynda aýrýhanaǵa jatýǵa májbúr boldy. Keshe saıasatkerdi reanımasııadan jaı palataǵa aýystyrǵany habarlandy. Borıs Djonson jumysyna tek bir aıdan keıin ǵana orala alady.
Sondaı-aq bul elde Ýels hanzadasy Charlzdyń Covid-19 aýrýyna ushyraǵany týraly 25 naýryzda málim boldy. Biraq onyń syrqaty jeńil bolyp, Shotlandııadaǵy Bırkholl koroldik úıinde nebári jeti kún oqshaýlandy. Budan keıin hanzada dárigerlerdiń keńesimen iskerlik kezdesýlerin jalǵastyra bastady.
Al bulardan buryn 11 naýryzda Ulybrıtanııanyńdensaýlyq saqtaý mınıstriniń orynbasary Nadın Dorrıstan da koronavırýs anyqtalǵan. Sodan beri saqtyq sharalaryn qadaǵalap, úıinen shyqpaı otyrǵan ol twitter-de ózimen birge qalǵan 84 jastaǵy anasynyń jaǵdaıyna alańdaıtynyn jazdy. Bul sheneýnik naýryzdyń basynda Borıs Djonsonmen júzdesken edi.
Jer jahandy jaılaǵan indet Fransııada da órship tur. Eldiń mádenıet mınıstri Frank Rıesterden bir aı buryn 9 naýryzda koronovırýs tabylǵany jarııa boldy. Biraq odan aýrýdyń sımptomdary baıqalmaǵan. Degenmen basqalarǵa zııany tımes úshin úıinde oqshaýlandy. BAQ onyń vırýsty parlament jıynynda juqtyrǵanyn jazdy. О́ıtkeni onda aýyrǵan depýtattar men basqa da qyzmetkerler bolǵan.
Covid-19 vırýsyn Fransııanyń keshendi ekologııalyq qaıta qurý mınıstri janyndaǵy Memlekettik hatshy Brıýn Pýarson da juqtyrdy. Naýqastyń aınalasyndaǵylar onyń jaǵdaıy táýir, ózin jaqsy sezinetinin aıtqan.
Bul eldiń burynǵy ónerkásip mınıstri Patrık Devedjıannyń indet dýshar bolǵany 26 naýryzda habarlandy. Biraq kóp ótpeı 29 naýryzda onyń aýrýy asqynyp ketip, 75 jasynda qaıtys boldy.
Obanyń oty sharpyp turǵan Ispanııada vıse-premerKarmen Kalvo da naýqastandy. Ol 22 naýryzda respıratorlyq ınfeksııa dıagnozymen aýrýhanaǵa jatqyzylyp, artynan koronavırýs juqtyrǵanyanyqtalǵan. Qazir saıasatker oqshaýlanǵan palatadajatyr.
Oǵan qosa Ispanııanyń eń jas saıasatkeri, teń múmkindikter mınıstri Irene Montero indettiń quryǵyna ilindi. 32 jastaǵy vedomstvo basshysy úı karantınine shyǵyp, jumysyn jalǵastyrýda.
Eýropada indet keń taraǵan el – Italııa. Atalǵan memlekette koronavırýs juqtyrǵan sheneýnikterdiń ishinen alǵashqylardyń biri bolyp Demokratııalyq partııanyń kóshbasshysy Nıkola Dzıngarettıdiń aty shyqty. 54 jastaǵy saıasatkerdiń qazir hali jaqsy eken.
Italııanyń Densaýlyq saqtaý mınıstrinińorynbasary Perpaolo Sılerı koronavırýs juqtyrdy. Ol Facebook-te aýyryp qalǵan adammen baılanysta bolǵanyn jáne ózinen aýrýdyń alǵashqy sımptomdaryn baıqaǵan sátten test tapsyrǵanyn jazdy.
Iranda dertti bolǵan saıasatkerler azaıar emes. Fars agenttiginiń málimeti boıynsha eldiń eki vıse-prezıdenti Eshak Djahangırı men Masýma Eptekarden Covid-19 anyqtalǵan.
Oǵan qosa týrızm, mádenı mura jáne qolóner mınıstri Alı Asgare Mýnesane, saýda jáne ónerkásip mınıstri Reze Rahmanı, sondaı-aq densaýlyq saqtaý mınıstriniń orynbasary Iradj Harırchı vırýs juqtyrǵan.
Iran parlamentiniń basshysy Alı Larıdjanı jáne parlamenttiń 20 múshesi syrqattanyp jatyr.
О́kinishke qaraı, bul elde saraptamalyq keńestiń 78 jastaǵy múshesi, aıatolla Hashım Bataıı jáne joǵary basshylyq janyndaǵy keńesshi organnyń múshesi Seıed Mohammad Mırmıhammadı koronavırýstan kóz jumdy.
Sonymen qatar álemde koronovırýs juqtyrǵandardyń qatarynda Monakonyń knıazi Alber II, Aýstralııanyń syrtqy ister mınıstri Pıter Datton, Indonezııanyń kólik mınıstri Býdı Karıa Sýmadı sııaqty saıasatkerlerdiń esimderi ataldy.
