Aǵymdaǵy jyldyń 2 sáýirinde respýblıka kóleminde azyq-túlik qory qaıta naqtylanyp, taldaýdan keıin, sondaı-aq treıderler men AShTО́ ótinishterine baılanysty Aýyl sharýashylyǵy mınıstriniń «Qazaqstan Respýblıkasynyń aýmaǵynan jekelegen taýarlardy shyǵarýdyń keıbir máseleleri týraly» №111 jańa buıryǵy daıyndaldy. Qujat Saýda jáne ıntegrasııa mınıstrligimen kelisildi jáne 2020 jylǵy 1 qyrkúıekke deıin qoldanysqa engiziledi.
Atalmysh normatıvtik aktte taýarlardyń tizbesi qaıta qaralǵan jáne «Qazaqstan Respýblıkasynyń aýmaǵynan úshinshi elderge jekelegen taýarlardy shyǵarýǵa tyıym salýdy engizý týraly» 2020 jylǵy 22 naýryzdaǵy burynǵy buıryqtyń kúshin joıady.
Atap aıtqanda, № 111 buıryǵynyń № 1 qosymshasynda Qazaqstan Respýblıkasynyń aýmaǵynan shyǵarýǵa tyıym salynǵan taýarlardyń tizbesi kórsetilgen. Onda:
- qaraqumyq;
- aq qant;
- kartop;
- balǵyn nemese salqyndatylǵan pııaz, shalot pııazy, sarymsaq, poreı pııazy jáne ózge de badanalyq kókónister;
- kúnbaǵys, untaqtalǵan nemese untaqtalmaǵan tuqymdary;
- kúnbaǵys maıy;
- qaraqumyq jarmasy bar.
№ 2 qosymshada elden shyǵarýǵa (eksporttaýǵa) shekteýler (kvotalar) engiziletin taýarlardyń tizbesi bekitildi. Bul:
- sábiz, shalqan (repa), qyzylsha;
- oramjapyraq, túrli-tústi oramjapyraq, kolrabı, japyraqty oramjapyraq jáne jáne Brassica tektes osyǵan uqsas jeýge jaramdy kókónister;
-bıdaı nemese qara bıdaı uny;
- jumsaq bıdaı jáne meslın.
№ 3 qosymshada shekteýlerdi esepteý jáne bólý tártibi belgilengen. Eksportqa engizilgen kvotalar jáne ishki naryqqa ónimdi kepildi jetkizý kólemi aǵymdaǵy jyldyń 1 qyrkúıegine deıin aı saıyn anyqtalatyn bolady.
Belgilengen erejeler boıynsha QR AShM esepti (kelesi) aıdyń bastalýyna deıin keminde 12 jumys kún buryn resmı ınternet-resýrsta taýarlardyń árbir túri boıynsha kvotalar kólemin, tirkelgen baǵasy bar QR ishki naryǵyna kepildendirilgen jetkizilimder kólemin, sondaı-aq ótinimderdi qabyldaýdyń bastalý jáne aıaqtalý kúni men ýaqyty týraly aqparatty jarııalaıtyn bolady.
Kvotalar men kepildi jetkizilimder kólemin QR AShM óndiris, tutyný, ákimdikterdiń qorlardaǵy azyq-túlik kólemi týraly bergen aqparatyna súıene otyryp jáne «Qazaqstannyń Astyq odaǵynyń», «Qazaqstannyń astyq óńdeýshiler odaǵynyń», «Qazaqstannyń Kartop ósirýshiler jáne kókónis ósirýshiler odaǵynyń» usynystary negizinde esepteıdi.
Kvotalardy alý úshin fermerler men treıderlerge esepti aı bastalǵanǵa deıin 7 jumys kúninen keshiktirmeı óz ótinimderin salalyq odaqtarǵa berýi qajet, olar óz kezeginde ótinimderdi qalyptastyrady.
