MÁNDI DE MAŃYZDY QUJAT

Qazaqstan Respýblıkasynyń Prezıdenti Nursultan Nazarbaevtyń  “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Qazaqstan halqyna Joldaýy Anglııanyń Oksfort qalasynda saıasattaný sa­lasy boıynsha ǵylymı jumyspen aınalysyp, bili­mimizdi halyqaralyq talaptarǵa saı damytyp júrgen qazaqstandyq  jastar arasynda jan-jaq­ty­ly talqylandy. Joldaýdaǵy “2020 strategııalyq jospary – kóshbasshylyqqa qazaqstandyq jol” degen úshinshi  bólimi besinshi tarmaǵyndaǵy “Ultaralyq kelisimdi nyǵaıtý, ulttyq qaýipsizdikti arttyrý, halyqaralyq qarym-qatynasty odan ári damytý” dep úlken oı tastaıtyn bólimge erekshe toqtalǵan jón. Búginde álem halyqtary yntymaqty, beıbit ómir súrý úshin ultaralyq kelisimdi nyǵaıtýdy berik ustanyp otyrǵany málim. Sol kelisimderdiń ózi joǵary deńgeıde júrýi, ulttyq qaýipsizdik ta­laptarynyń buljytpaı oryndalýy saıasatkerler úshin óte mańyzdy shara bolyp tabylady. Bul eki qundylyq óz máninde oryndalyp otyrsa halyq­aralyq qarym-qatynastar odan ári damı beretini sózsiz. Bul – búgingi urpaq, ásirese bizben qatar shet elderde bilim alyp júrgen jastardyń oı-pikir, ustanymdaryn estip, naqty áreketteriniń kýási bolyp júrgen soń, ishki dúnıemnen shyqqan ádil sózim. Nurseıit NIIаZBEKOV. Anglııa, Oksford.