22-29 naýryz aralyǵynda Pýsanda ótýi tıis komandalyq álem chempıonaty 21-28 maýsymǵa aýystyrylǵan bolatyn. Koronavırýs indetiniń qaýpi áli seıilmegen soń, ITTF atalǵan birinshilikti 27 qyrkúıek pen 4 qazan aralyǵyna sozýǵa májbúr boldy.
«2020 jyldyń 29 naýryzy kúni ITTF barlyq týrnırlerdi maýsym aıynyń sońyna deıin toqtata turýdy jón sanaǵan. Alaıda, álemdegi jaǵdaıdy eskere otyryp, biz komandalyq álem birinshiligin ekinshi ret shegerýge májbúrmiz. Pandemııaǵa qatysty jaǵdaı kúzge deıin retteledi degen senim mol. Sondaı-aq qazir barlyq halyqaralyq federasııalar 2020 jáne 2021 jyldarǵa arnalǵan sporttyq kúntizbeni qaıtadan quryp jatyr. Olımpııa oıyndarynyń kelesi jylǵa aýystyrylǵany aldaǵy maýsym kúntizbesin qaıta túzýge mindetteıdi. Osyǵan oraı, biz qalypty sporttyq maýsymǵa 2022 jyly kelemiz degen pikirdemin», deıdi ITTF atqarýshy dırektory Stıv Daınton.
