Jaǵdaıdy tarata aıtsaq, osy jyldyń 17 naýryzy kúni Nur-Sultan qalasynyń turǵyny osyAmankeldi aýylyndaǵy ata-anasynyń úıine keledi. Elordaǵa 20 naýryz kúni qaıtýy kerek bolǵanmen, qala tolyq jabylýyna baılanysty aýylda qalyp qoıǵan. Osy aralyqta bas qalada jaldamaly jumysta júrgen aýyldyń taǵy eki azamaty jetedi.Bul úsheýi de aýyldyń dərigerlik ambýlatorııasynda 14 kún medısınalyq baqylaýda bolypty. Atalǵan merzimde azamattardyń densaýlyǵynda ózgerister bolmaǵan.
Kóp uzamaı aýyl jastary kesh uıymdastyrady. Otyrysqa qatysqan 15 adamnyń ishinde elordadan alǵash kelgen aýyl turǵyny da bolady. Osylaısha tótenshe jaǵdaı kezeńinde dərigerlik baqylaýda bolyp, úıde oqshaýlaný tərtibi óreskel buzylady.
Sáýirdiń birinen bastap ózin jaısyz sezine bastaǵan jańaǵy azamat aýyldyń dárigerlik ambýlatorııasyna kelip, 5 kún boıy em alǵan eken. Osydan keıin de jaǵdaıy jaqsara qoımaǵandyqtandərigerlik ambýlatorııaǵa qaıta qaralyp, provızorlyq stasıonarǵa jatqyzylǵan. Aýdandyq aýrýhana dárigerleri synama alyp, vırýsologııalyq zerthanaǵa joldaǵan. Al, 7 sáýir kúni onyń vırýs juqtyrǵany anyqtaldy.
Bir atap óterligi, bul azamattardyń barlyǵy da, qoldanystaǵy zań aktilerine səıkes baqylanǵan.
Bir adamnan baıqalǵan kesel belgisi búginde aýyldyń 23 turǵynynan anyqtalyp otyr. Barlyǵy da alǵashqy tirkelgen naýqaspen tyǵyz qarym-qatynasta bolǵan adamdar jáne solardyń otbasy músheleri.
Jergilikti bılik, tıisti oryndar dert dendep ketpeýi úshin shuǵyl sharalar qabyldady. Aýyl dereý karantınge jabylyp, qatań shekteýler engizildi. Osydan 3 kún buryn aýylǵa oblystyq aýmaqtyq qorǵanys brıgadasynyń áskerı quramynan 46 adam kelip, 57 myń sharshy metr aýmaqqa dezınfeksııalaý jumystaryn júrgizdi. Aldaǵy ýaqytta da oblystyq jumyldyrýdaıyndyǵy basqarmasy eki kúnde bir ret dezınfeksııalaıtyn boldy. Bul jumystarǵa aýdandyq veterınarııalyq stansııasy mekemesiniń arnaıy tehnıkasy da jumyldyryldy. «Qyzylorda tazalyǵy» JShS-men kelisim-shart jasalyp, Tereńózek kentiniń jáne Amankeldi aýylynyń kóshelerine 76 myń sharshy metr aýmaqqa zalalsyzdandyrý jasaldy. Qaýipti indettiń aldyn alýǵa aýdannyń shuǵyl shyǵyndar rezervinen 50 mln teńge qarjy bólindi.
Qazir Amankeldi aýylyna kire beriste eki jerge arnaıy tosqaýyl beketi qoıylyp, táýlik boıy jumys jasaýda. Eldi - meken aınalasyndaǵy joldardyń bári arnaıy tehnıkamen bekitildi. Beketti baqylaıtyn polısııa qyzmetkerleriniń ystyq tamaǵy, arnaıy kımderi jáne jatyn oryndary tolyq sheshilgen.
Onynshy sáýir kúni aýylǵa Taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary Jandarbek Bekshın kelip,, baqylaý-ótkizý pýnkitiniń jumysymen tanysty.
Jan-jaǵy tuıyqtalǵan aýyldyń ahýaly tıisti oryndardyń nazarynda tur. Turǵyndardyń barlyq qajettiligi eskerilgen.
