Oblys ákiminiń orynbasary brıfıngte eń aldymen ár turǵynnyń qaýipsizdigi úshin jasalyp jatqan shekteý sharalaryna túsinistikpen qaraýǵa shaqyrdy.
– Karantınnen keıin de tirshilik jalǵasady. Sondyqtan, bizdiń aldymyzda turǵan eń basty mindet – halyqtyń ómir súrý deńgeıin tez arada qalypqa keltirý. Osy úshin de qazir qaýipsizdikti barynsha saqtaı otyryp óńirdegi mańyzdy óndiristik salalar jumysyn jalǵastyryp jatyr, – dedi Serik Ábjáliuly.
Tótenshe jaǵdaı kezinde kásipkerlerdiń de kómegi az bolyp otyrǵan joq. Osy ýaqytqa deıin aımaqtaǵy jeńil ónerkásip oryndary mıllıonǵa jýyq betperde tigip, onyń jartysy turǵyndarǵa tegin taratyldy. Jergilikti kásipkerlerdiń biri vırýs juqtyrǵandardy emdep jatqan dárigerlerdi qala ortalyǵyndaǵy qonaqúıine ornalastyrdy. «Kazpetrolgrýp» JShS basshylyǵy kompanııa atynan 120 dárigerge 100 myń teńgeden syıaqy tabystady.
Oblysákiminiń orynbasary búgin aımaq basshysynyń jetekshiligen ótken shtab otyrysynda basqa da mańyzdy máseleler qaralǵanyn aıtyp ótti.
