Atap aıtqanda, jolaýshylar tasymaldaý kólikteri men qoǵamdyq kólikterdiń barlyq túrleriniń jumysy toqtatylady. Tek qana resmı tirkelgen taksı qyzmeti jumys isteı alady. Olardyń ózine bir ret otyrǵyzǵanda bir otbasynyń músheleri bolmasa, 2 eresek jolaýshydan artyq otyrǵyzýǵa bolmaıdy.
Aqmola oblysy boıynsha tótenshe jaǵdaılardyń aldyn alý jáne joıý jónindegi Vedomstvoaralyq komıssııanyń barlyq sheshimderi oryndalýy tıis. Karantın jarııalanǵan aýmaqta kólikterdiń kirýi men shyǵýyna tyıym salynady. Odan tek qana Aqmola oblysynyń taýarlar men kórsetiletin qyzmetterdiń sapasyn baqylaý jónindegi departamentiniń basshysynyń jáne departamenttiń aýmaqtyq basqarmalary basshylarynyń kýálendirilgen qoly men móri bar qyzmet kýáligimen nemese anyqtamasymen Aqmola oblysynyń sanıtarlyq-epıdemıologııalyq qyzmetiniń mamandary, jergilikti jerdegi basshynyń kýálendirgen qoly men móri bar anyqtama bolǵan jaǵdaıda pasıentter men memlekettik medısınalyq mekemelerdiń medısınalyq qyzmetkerleri, quqyq qorǵaý, arnaıy organdardyń qyzmetkerleri men sot júıesiniń qyzmetkerleri, aımaqtyq jedel shtabtyń bekitken tizimine sáıkes jergilikti atqarýshy organdardyń ókilderi, halyqtyń ómirlik mańyzy bar máselelerin sheshýmen aınalysatyn qyzmetkerler, sonyń ishinde arnaıy mamandandyrylǵan ınkassatorlyq avtokóliktiń, «Qazposhta» aksıonerlik qoǵamynyń avtokólikteri (bógde adamdarsyz), «Sergek» málimetter bazasyna sáıkes tranzıttik júk avtokólikteri, azyq-túlik ónimderi, dári-dármek jáne medısınalyq quraldar, jeke qorǵanys jáne gıgıenalyq quraldar, aýyl sharýashylyǵy ónimderi, aýyl sharýashylyǵy tehnıkasy, qurylys jáne basqa da materıaldar tıelgen arnaıy mamandandyrylǵan jáne júk avtokólikteri (júrgizýshi jáne ári alǵanda eki jolaýshy), tótenshe jaǵdaı týraly qaýipsizdik sharalarynda atap kórsetilgenindeı, medısınalyq kórsetilimderi boıynsha kirip-shyǵatyn adamdar ǵana ótýleri tıis.
