Júzge tarta bıshisi bar baletmeıster árqaısysymen vatsap arqyly baılanysqa shyǵady. Bı ádisterin úıretetin beınebaıan túsirip, áleýmettik jelilerde bólisedi.
Qazaqstan Respýblıkasynyń mádenıet qaıratkeri Mádına Beketqyzy óz mamandyǵyn sheksiz súıedi. Shákirtterinen de sony talap etedi. Elde jarııalanǵan karantınge qaramastan, aptasyna úsh márte «Kókshetaý» mádenıet saraıynyń balet zalyna keledi. Ár onlaın sabaǵynyń uzaqtyǵy 10-15 mınýt. Aptasyna eki márte bısúıer qaýym horeograftyń dáristerin mádenıet saraıynyń saıty men ınstagram jelisinen kóre alady. Tálimgerdiń aıtýynsha, bıshi qyzdarmen birge ata-analardyń da bul ónerge qyzyǵýshylyǵy oıanýda.
– Eldegi qazirgi jaǵdaıǵa baılanysty adamdar úılerinde otyrǵanda ulttyq mádenıetimizdi, tarıhymyzdy bilgeni, shyǵarmashylyq ujymnyń qalaı bıleıtinin kórgeni qyzyqty bolady dep oılaımyn. Ári bilim kókjıegin keńeıtedi. Kúni boıy úıde zerikkender úshin mundaı sabaqtyń paıdasy zor bolady degen oıdamyn. Bizben birge bıleńizder, – deıdi «Kókshetaý» ulttyq bı ansambliniń jetekshisi Mádına Tileýlına.
Nesi bar, qarap otyrǵansha qareket etken jaqsy.
KО́KShETAÝ
