Eldegi sanıtarlyq-epıdemıologııalyq jaǵdaı týraly densaýlyq saqtaý mınıstri E. Birtanov, Nur-Sultan jáne Almaty qalalaryndaǵy ahýal men kásipkerlik sýbektileriniń jumysyn qalpyna keltirý boıynsha usynylatyn sharalar týraly ákimder A. Kólginov pen B. Saǵyntaev baıandady.
Memlekettik komıssııa Densaýlyq saqtaý mınıstrliginiń ustanymyn eskere otyryp, ákimderdiń usynystarynyń negizinde qatań sanıtarlyq-epıdemıologııalyq sharalardy saqtaýmen Nur-Sultan jáne Almaty qalalarynda kásipkerlik sýbektileriniń jumysyn kezeń-kezeńmen qalpyna keltirý týraly sheshim qabyldady.
Birinshi kezeń aıasynda bıylǵy 20 sáýirden bastap ónerkásip jáne qurylys kásiporyndarynyń, sondaı-aq qyzmet kórsetý salasynyń belgili-bir sektorlarynyń jumysy qalpyna keltiriledi. Olardyń jumys isteýi úshin qoıylatyn mindetti shart — sanıtarlyq-epıdemıologııalyq normalardy qatań saqtaý.
I kezeń aıasynda Nur-Sultan men Almaty qalalaryndaǵy jumysyn qalpyna keltiretin kásipkerlik qyzmet túrleriniń naqty tizimin Memlekettik komıssııa bıyl 15 sáýirde bekitedi.
Úkimet basshysy jumysyn qalpyna keltiretin nysandarda sanıtarlyq-epıdemıologııalyq qaýipsizdiktiń qamtamasyz etilýine, sondaı-aq qyzmetkerleriniń jumys oryndarynda áleýmettik ara qashyqtyqty saqtaýyna qatań baqylaý jasaýdy tapsyrdy.
Sonymen qatar otyrysqa qatysýshylar baılanys jelileri men ınternet jumysyn qamtamasyz etý, munaı ónimderiniń eksportyn retteý jáne basqa da máselelerdi qarastyrdy.
