Qalalyq máslıhattyń 2014 jyldyń 27 maýsymyndaǵy «Jylý maýsymyna daıyndyq jáne ony ótkizý qaǵıdalary týraly» sheshimine sáıkes, aýanyń ortasha temperatýrasy bes táýlik boıy +10 gradýstan joǵary bolsa, Nur-Sultan qalasynyń jergilikti atqarýshy organy jylý maýsymyn toqtatý týraly sheshim qabyldaıdy.
Energııa berýshi uıymdar úsh kún ishinde BAQ arqyly jylý maýsymynyń aıaqtalýy jáne jylý júıesin óshirý qajettiligi týraly turǵyndarǵa habarlap, jylý júıesin óshirý týraly akt rásimdeıdi. Jylý maýsymy aıaqtalǵannan keıin tutynýshylar, ortalyq jylý júıesin ajyratyp (qajet bolǵan jaǵdaıda biteýishterdi ornata otyryp), jazǵy shema boıynsha ystyq sýmen jabdyqtaý júıesi jumysyn qamtamasyz etýi qajet. Jóndeý jumystary bastalǵanǵa deıin jáne olar aıaqtalǵannan keıin ortalyq jylý júıesi sýmen toltyrylýy kerek.
