JOLDAÝ JÁNE QAZIRGI QAZAQSTAN TARIHYN ZERTTEÝ METODOLOGIIаSY

Jýyrda Memleket tarıhy ınstı­týtynda Elbasynyń Qazaq­stan hal­qy­na Joldaýyn nası­hat­taý máse­le­lerine arnalǵan “Pre­zıdenttiń Jol­daýy jáne qazirgi Qa­zaqstannyń ta­rı­hyn zertteý metodologııasy” degen ta­qyrypta dóńgelek ústel ótti. Oǵan Mem­leket tarıhy ınstıtýtynyń dı­rektory, tarıh ǵylymdarynyń dok­to­ry, professor Búrkitbaı Aıa­ǵan mo­deratorlyq etti. Dóńgelek ústeldiń maqsaty – Táýelsiz Qa­zaq­stannyń bá­sekege qabilettiligin arttyrý men el táýelsizdigin nyǵaıtýda Joldaý­dyń ǵy­lymı- teorııalyq áleýetin iske qosý. Jıynǵa kórnekti ǵalymdar, Bilim jáne ǵylym mınıstr­li­giniń ókilderi, Astana qalasy jo­ǵary oqý oryndarynyń oqytý­shy­lary, Astana qalalyq muǵa­limder biliktiligin jetildirý ıns­tıtýtynyń ádiskerleri qatysty. Jıynda Memleket tarıhy ınstıtýty dırektorynyń oryn­basary, tarıh ǵylymdarynyń doktory, professor H.Ábjanov “Prezıdenttiń Joldaýy jáne qazirgi Qazaqstan tarıhyn zertteý metodologııasy” degen ta­qy­rypta baıandama jasady. Baıan­damashy Elbasy Joldaýy­nyń qazirgi Qazaqstan tarıhyn zertteýdegi tanymdyq metodolo­gııa­nyń máni men maǵynasyna nazar aýdardy. Elbasynyń “Me­niń maqsatym elimizdiń aldaǵy onjyldyqtaǵy ekonomıkalyq órleýin qamtamasyz etip, jańa múmkindikterge jol ashý” degen tujyrymdy pikirin alǵa tartty. Jahandaný jaǵdaı­ynda Otandyq tarıhtyń aldynda turǵan mańyzdy mindetterdiń biri – obektıvti ǵylymı-zertteýler júrgizý qajettiligi kópshilik nazaryna usynyldy. Bıandamashy, sondaı-aq Jol­daýda adam faktoryna erekshe mán berilgendigin, eldi jańǵyrtý stra­tegııasyn iske asyrýdyń tabysty­lyǵy, eń aldymen, qa­zaq­stan­dyqtardyń bilimine, áleý­mettik jáne dene bolmysy men kóńil-kúılerine baılanysty bo­latyn­dyǵyn, sondyqtan Prezı­dent ha­lyq­aralyq qaýymdas­tyq­qa kirý má­selesin nemese bız­nes­tiń jol kar­tasyn júzege asyrýda adam fak­to­ryn basty orynǵa qoıyp otyrǵan­dyǵyn atap ótti. Ǵalym ári qaraı Memleket basshysynyń Joldaýda erekshe atap ótken tórt qaǵıdattyń úsheýi adam faktoryn alǵa qoıyp otyrǵandyǵyna toqtaldy. Baıandamashynyń atap ótýin­she, Elbasynyń “Qazaqstan – 2030” Strategııasyn oryndaı oty­ryp, biz alǵashqy onjyl­dyq­qa baǵdarlama jasap, ony támam­da­dyq. Endigi maqsat – Strate­gııa­nyń kelesi onjyldyǵyna qaraı qadam jasaý” dep qadap aıtýy bizdiń qoǵam ózgeris ústin­degi, qozǵalys ústindegi dınamı­kalyq qoǵam ekendigin kórsetip otyr. Joldaýda naqty derekter­ge, tarıhı shynaıylyqqa, meto­dologııalyq júıelilikke, teorııa men tájirıbe arasyndaǵy baıla­nystyń qadaǵalanyp otyratyn­dyǵyna basa nazar aýdarylǵan. Jıynda Memleket tarıhy ınstıtýtynyń jas ǵalymdary, tarıh ǵylymdarynyń kandıdat­tary – Teńgesh Qalenova, Qu­ralaı Sársembına, Darhan Baı­tileý, Maral Tomanova, Baýyr­jan Segizbaevtyń baıandamalary talqylanyp, jastar arasynda qazaqstandyq patrıotızmdi ny­ǵaıtý men qazirgi tarıhı sanany qa­lyptastyrýdaǵy negizgi mindet­ter jóninde pikir almasyldy. Aıtbala ÁBENOVA, Memleket tarıhy ınstıtýty  aqparattyq-baspa bóliminiń ǵylymı qyzmetkeri.