Dárigerlerdiń aıtýynsha, vırýs juqtyrǵan azamatsha 25 jastaǵy qala turǵyny. Ol osydan eki kún buryn qaterli indet anyqtalǵan 22 jasar qala turǵynymen baılanysta bolǵan. 24 naýryz kúni naýqas otbasylyq is-sharaǵa barǵan. Ol jerge Almatydan qonaqtar kelipti. Barlyǵy 6 adam baılanysta bolǵan. Onyń tórteýi úı karantınine qaldyryldy.
Ekinshi vırýs juqtyrý jaǵdaıy Selınograd aýdanynda anyqtaldy. Ol bolashaq ana. Azamatsha buǵan deıin karantındik stasıonarda jatqan. Áleýmettik qyzmet kórsetý ortalyǵynda sanıtar bolyp jumys istegen. Bir súıinishtisi, oblystyq týberkýlezge qarsy kúres dıspanserinde 4 naýqas qaterli indetten emdelip, aýrýhanadan shyǵaryldy. Dertten aıyqqan naýqastar qaıtadan tekserýden ótkizilip, keshe keshke úılerine qaıtaryldy. Olardyń barlyǵy Selınograd aýdanyna qarasty Qosshy aýylynyń turǵyndary.
О́kinishke oraı, 4 adam qaıtys boldy. Búgingi kúni oblystyń stasıonarlarynda 364 pasıent em alyp jatyr, úı karantıninde-554 adam.
