DKG zertteý jumysy kezinde karantınniń áseri, memlekettik basqarýdyń tıimdiligi, monıtorıng jáne anyqtaý, sondaı-aq shuǵyl em-dom jasaýǵa daıyndyq sııaqty parametrlerdi negizge aldy. Sonyń ishinde mamandar shekteý tyıymdaryn engizýge, densaýlyq saqtaý júıesi resýrstarynyń sanyna, dıagnostıka ádisterine nazar aýdardy.
Covid-19 indeti órship turǵan shaqta qaýipsizdik boıynsha reıtıng túzilip, 40 memlekettiń tizimi jarııalandy. Munyń alǵashqy úshtiginen Izraıl, Germanııa jáne Ońtústik Koreıa elderi kórindi. Sondaı-aq ondyqqa Aýstralııa, Qytaı, Jańa Zelandııa, Taıvan, Sıngapýr, Japonııa jáne Gonkong memleketteri kirdi.
Sonymen qatar zertteý toby pandemııa jaǵdaıynda qaýip-qaterdiń táýekelinde turǵan 20 eldiń reıtıngin usyndy. Reıtıngtiń alǵashqy bestigine Italııa, AQSh, Ulybrıtanııa, Ispanııa jáne Fransııa kirdi.
Budan bólek indetten emdeýdiń tıimdiligi boıynsha on eldiń aty ataldy. Alǵashqy úshtikten Germanııa, Qytaı dáne Ońtústik Koreıa memleketteri kórindi.
Bul reıtıngterge Qazaqstan enbedi. Biraq sarapshylar aldaǵy ýaqytta derekter únemi jańartylyp otyratynyn, soǵan sáıkes reıtıngte memleketterdiń oryndary ózgerýi múmkin ekenin málimdedi.
