Prokýratýra, ákimdik jáne memlekettik kirister organdary qyzmetkerlerinen qurylǵan shuǵyl toptar barlyq saýda nysandaryn kúndelikti aralaýda. Maqsat – dúkender men sýpermarketterdiń áleýmettik mańyzy bar azyq-túlik taýarlarynyń shekti baǵasyn saqataýyn qadaǵalaý.
Osylaısha, kezekti tekseý kezinde eki sýpermarkette 03.04.2020 jylǵy №23 «Áleýmettik mańyzy bar azyq-túlik taýarlaryna shekti bólshek saýda baǵasyn engizý týraly» birlesken buıryǵynyń erejeleri buzylyp, baǵanyń qymbattaýy anyqtaldy.
Atap aıtqanda, shekti baǵasy 197 teńgeden aspaýy tıis 1-shi sortty unnyń kılogramy 230 teńgeden satylǵan. Al shekti baǵasy 307 teńgelik kúrish – 1 kg úshin 371 teńgeden, shekti baǵasy 481 teńgelik kúnbaǵys maıy – 505 teńgeden satylǵan.
Almaty aýdany ákimdigimen usynylǵan derekter negizinde 14 sáýir kúni saýda sýbektilerine qatysty QR ÁQBK 202 babynyń 1 bólimine sáıkes, «Áleýmettik mańyzy bar azyq-túlik taýarlaryna bólshek saýda baǵalarynyń shekti ruqsat etilgen mólsheriniń artýy» boıynsha ákimshilik quqyq buzýshylyq týraly hattama jasaldy. 100 AEK nemese 277 800 teńge kóleminde ákimshilik aıyppul salyndy.
