9-13 sáýir aralyǵynda eriktiler Birjan sal, Býrabaı aýdandarynda jáne Kókshetaý qalasynda turatyn elýge jýyq otbasynda bolyp, birinshi qajettiliktegi azyq-túlik ónimderin – un, jarma, qant, maı, jemis-jıdekter, sondaı-aq dári-dármekter, antıseptıka quraldaryn úlestirdi. Sóıtip, kópbalaly analar, múmkindigi shekteýli jandar men jalǵyzbasty qarttardyń alǵystaryna bólendi.
Oblystyq assambleıanyń eriktiler ortalyǵynyń jetekshisi Ýmar Shonazarov Qazaqstan halqy Assambleıasynyń kásipkerler qaýymdastyǵynyń músheleri – «Novopek», «Vertıkal» jáne «MK-Agroprodýkt» jaýapkershiligi shekteýli seriktestikteriniń kásipkerlerine kórsetken qoldaýlary úshin rahmetin aıtty. Eldegi tótenshe jaǵdaı kezinde eriktiler áleýmettik jaǵynan az qamtylǵan azamattarǵa kómek kórsetý boıynsha óz jumystar odan ári jalǵastyrady.
