Osylaısha, jobanyń alǵashqy kezeńinde joldyń 15,6 shaqyrymynda asfalt tóseminiń negizgi jáne tómengi qabattary tóseldi. Jalpy uzyndyǵy 27 shaqyrymdy quraıtyn jol ýchaskesi 4 jolaqty bolmaq. Sondaı-aq, atalmysh nysanda jaıaý júrginshiler ótpeli men velojoldar salynyp, jaryqtandyrý baǵandary ornatylýda. Ýchaskedegi jumystarǵa tehnıkanyń 80 birligi men 200-ge tarta jumysshy jumyldyrylǵan. Qaıta jańartý jumystary men qurylys materıaldarynyń sapasyn «Jol aktıvteri sapasynyń ulttyq ortalyǵy» saraptamadan ótkizýde. Merdiger – «Aqjol Qurylys». Budan bólek, kompanııa sý tógetin «Shora» arnasy arqyly ótetin uzyndyǵy 70 metrden asatyn kópirdi salyp jatyr.
Sonymen qatar jolshylar jobanyń 4-shi kezeńi asıayndaǵy jumystardy belsendi túrde júrgizýde. Uzyndyǵy 4,6 shaqyrymdy quraıtyn О́mirzaq eldi mekeninen Aqtaý qalasyndaǵy jaǵajaıǵa deıingi 4 jolaqty avtomobıl jolyn «Altynquryq» JShS salýda. Búgingi tańda nysannyń 4,2 shaqyrymynda joldyń negizgi tómengi qabattaryn tóseý jumystary tolyqtaı aıaqtalǵan. Jol ýchaskesinde tehnıkanyń 50 birligi men 100-ge jýyq adam jumys isteýde.
«MAEK – QazatomО́nerkásip» JShS sý jınaǵyshynan «Quryq» teńiz portyna deıingi avtomobıl jolyn qaıta jańartý jobasynyń 3-shi kezeńi aıasyndaǵy nysandar bıyl paıdalanýǵa beriledi.
Budan bólek, kelesi jyly jobanyń 2-shi jáne 5-shi kezeńi aıasyndaǵy jumystar júrgiziledi dep josparlanýda. Jol óńirdegi kýrorttyq aımaqtyń iri nysandary ornalasqan Kaspıı kóliniń jaǵasynyń boıymen ótedi. Qaıta jańartý jumystarynan ótken jol óńirdiń týrıstik áleýetiniń artýyna, onyń ekonomıkalyq turǵyda damýyna serpin bermek.
