«Almaty klınıkalyq ortalyq aýrýhanasyndaǵy koronavırýs juqtyrý jaǵdaıynan soń, meniń tapsyrmammen Densaýlyq saqtaý vıse mınıstri Kamaljan Nadyrov pen Taýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary Nurhan Sadýaqasov Almaty qalalyq qoǵamdyq densaýlyq saqtaý basqarmasy basshysymen birge «Kóktem» shıpajaıynda karantınde jatqan dárigerlermen kezdesedi. Barlyq másele zań aıasynda sheshiledi degen senimdemin», dep jazdy Eljan Birtanov Facebook paraqshasynda.
Budan soń, mınıstr Almatydaǵy medısınalyq uıymdardaǵy koronavırýs ınfeksııasynyń kúsheıý deregin zertteýdi tájirıbeli epıdemıolog, taýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary Nurhan Sadýaqasovqa júktegenin atap ótti.
Eske sala keteıik, ortalyq qalalyq klınıkalyq aýrýhanada 147 dáriger koronavırýs juqtyrdy degen aqparat taraǵan edi. Aýrýhananyń birneshe qyzmetkeri «Kóktem» shıpajaıyna karantınge jatqyzyldy.
