«Biz qazirgi ýaqytta turǵyndar úshin telekommýnıkasııa qyzmetteriniń áleýmettik mańyzdylyǵyn túsinemiz. Sondyqtan biz qazaqstandyqtardyń bolashaq qajettilikterin boljaýǵa tyrysamyz. Qazir Internet, teledıdar, telefonııa – jalpy kez-kelgen baılanys quraldary óte mańyzdy rólge ıe bola bastady. Karantınge baılanysty, bekitilgen ınternettiń lımıtsiz trafıgin qostyrýǵa ótinishter sany aıtarlyqtaı kóbeıdi. Buryn turǵyndar, mobıldi ınternetke kóship, bul qyzmet túrin qajetsiz dep ajyratqan bolsa da, qazir osy qyzmetti qaıta qostyrýǵa ótinish berýde. О́tinishterdiń kóptigin eskere otyryp, bizdiń ornatý qyzmetterimizdiń jumysy birneshe kún buryn aldyn-ala josparlanǵan», dedi «Qazaqtelekom» AQ Basqarma tóraǵasy Qýanyshbek Esekeev.
Belgili bolǵandaı, «Qazaqtelekom» telekommýnıkasııa qyzmetterin usynýdyń jeńildetilgen rejımine kóshken. Telefon, ınternet jáne aqyly teledıdar qyzmetiniń aqysyn ýaqytyly tólemegen jaǵdaıda abonenttiń baılanysy óshirilmeıdi.
«Telefon, ınternet jáne aqyly teledıdar qyzmetiniń aqysyn ýaqytyly tólemegen abonentter úshin baılanysty óshirmeý týraly sheshim qabyldadyq. Bul qadam karantınniń saqtalýyna yqpal etetinin túsinemiz. Bizde áli de klıenttermen tikeleı jumys isteıtin birqatar qyzmetkerler ádettegi jumysyn jalǵastyrýda. Bárinen buryn, jelini ornatýmen jáne oǵan qyzmet kórsetýmen aınalysatyn tehnıkalyq qyzmetkerlerdiń júktemesi artty. Aıtpaqshy, olar ózderin qaýipsizdik jaǵynan jabdyqtap qana qoımaı, tutynýshylarǵa maska kııý kerek ekenin eskertedi - onsyz bizdiń qyzmetkerler páterge kirmeıdi», dedi ol.
