Birinshiden, maqalany oqyp otyryp Ǵabıt Músirepovtiń «О́tkendi bilmeı, keleshekti bilý múmkin emes. О́tkenniń parqyn bilgen, búginniń narqyn uǵady», degen ulaǵatty sózi oıǵa keledi. Rasymen de, egemendik alǵan tustan bastap júzege asqan aýqymdy jumystar men eleýli jobalar memleketimizdi álemge tanytyp, órkenıetti elderdiń qataryna qosty. Bul oqıǵalar eńsesin endi kóterip, ekonomıkalyq tyǵyryqtan jol izdeýge tyrysqan Qazaqstan úshin ońaı bolmaǵany anyq.
Bizdegi turaqtylyq pen beıbitshilikti kórgen sheteldik ınvestorlar óz qarajatyn el ekonomıkasynyń damýyna baǵyttady. Qysqa merzim ishinde Elbasynyń sol jyldardaǵy kóregen, salıqaly saıasatynyń arqasynda ulttyq qordyń negizi qalanyp, bolashaqtyń qamy jasaqtalǵany jaıly maqalada jaqsy baıandalǵan. Josparly túrde júzege asqan reformalar men mańyzdy sheshimder qazirgi qıyn sátte ekonomıkamyz úshin qorǵanysh qalqany bolyp otyr.
Ekinshiden, tarıh betterine kóz júgirter bolsaq, bizdiń ata-babalarymyz san túrli qıyndyqty bastan keshirip, eldigin tutastyq pen birlik arqasynda saqtap qalǵany týraly maqalada dóp basyp aıtylǵan. Birlik jaıynda sóz bolǵanda Tóle bıdiń Ánet babaǵa «Birligi bar eldi jaý da, daý da ala almaıdy. Onsyz tirlik joq!» degen jaýaby naqty mysal bolmaq.
Shynymen, ult saýlyǵyna qater tóndirgen jahandyq pandemııany toqtatý maqsatynda jalpy qoǵam bolyp, judyryqtaı jumylyp, árkim óz salasynda aıanbaı eńbek etip, bir adamdaı úlesin qosyp jatqanyna Elbasy joǵary baǵa berip, óz jalǵasyn tabatyndyǵyna senim bildirgen.
Sondaı-aq Elbasy Nur Otan partııasy tarapynan muqtaj jandarǵa arnaıy qarajat bólip, «Birgemiz» qoryn ashý týraly usynysy táýelsizdik jyldary kóterilgen qaltaly azamattardan biraýyzdan qoldaý taýyp úlgerdi. Bul bastama Prezıdentimiz Qasym-Jomart Kemeluly júrgizip jatqan áleýmettik kómek saıasatyna aıtarlyqtaı demeý bolyp otyr. Aınalyp kelgende jasalyp jatqan tirliktiń barlyǵy bizdiń myzǵymas birligimizdiń arqasy.
«Toqsan aýyz sózdiń tobyqtaı túıini» – alaýyzdyqqa jol bermeý, sabyrlyq pen shydamdylyq tanytý. «Aqqý, shortan hám shaıan» keıpine túspeı, synaqtan súrinbeı ótý, is júzindegi birlikti kórsetý. «Aıdaǵany bes eshki, ysqyryǵy jer jaratyn» arandatýshylardyń aıtaǵyna ermeı, resmı aqparatqa sený.
Elbasy oıyn aıaqtaı kele zııaly qaýym ókilderine, jastarǵa, kásipkerlerge óz sózin arnap urpaqtar sabaqtastyǵynyń mańyzyn atap kórsetken.
Madı AHMETOV,
Almaty qalalyq «Jas Otan» Jastar qanatynyń tóraǵasy
