Kásipkerler palatasynyń call-ortalyǵyna bıznes ókilderinen kelgen «kanıkýl» kezeńine qatysty saýaldaryna túsindirme jumystary júrgizilip, máselesi qarjy uıymdaryna joldanýda.
Palata dırektorynyń orynbasary Qyzylorda oblysynyń kásipkerler palatasy Memleket basshysynyń shaǵyn jáne orta bıznesti barlyq nesıeleri boıynsha negizgi qaryz ben syıaqynyń tólem merzimderin keıinge qaldyrý týraly tapsyrmasyna sáıkes, aımaqta ekinshi deńgeıli bankter jáne qarjy uıymdarymen júıeli jumystar júrgizilip jatqandyǵyn jetkizdi.
Atap aıtqanda, memlekettik «Bıznestiń jol kartasy – 2025», «Qarapaıym zattar ekonomıkasy», «Eńbek» baǵdarlamalary aıasynda jeńildetilgen nesıe alǵan kásipkerlerdiń jalpy somasy 5,8 mlrd.teńge bolatyn nesıe tólemi keıinge qaldyrylǵan.
Munan ózge, Kásipkerler palatasynyń senimgerlik basqarýyndaǵy «Qyzylorda» О́ńirlik ınvestısııalyq ortalyǵy da kásipkerlerden túsken ótinishter boıynsha jedel shara qabyldaýda. Jasalǵan jumystyń nátıjesinde búgingi kúnge deıin О́ńirlik ortalyqtan qarjy alǵan 99 jobanyń 35,3 mln.teńgesi keıinge qaldyryldy.
Sondaı-aq, tótenshe jaǵdaı kezeńinde kásipkerlerge ekinshi deńgeıli bankter de jeńildikter jasaý arqyly qoldaý kórsetýde. Búgingi kúnge deıin ekinshi deńgeıli bankter men qarjy uıymdaryna bıznes ókilderinen túsken 1254 ótinimniń 818-i maquldanyp, ótinishteri qanaǵattandyrylǵan.
Sonyń ishinde, Palatanyń qolyndaǵy málimet boıynsha, «Halyq Banktiń» Qyzylorda jáne Baıqońyr qalalaryndaǵy fılıaldaryna kelip túsken 376 ótinishtiń 371-i nemese 99 paıyzy oń sheshilgen. «SentrKredıtBanki» AQ oblystyq fılıalyna túsken 136 ótinishtiń 118-i, «ForteBank» AQ oblystyq fılıalyna kelgen 99 ótinimniń 96-sy maquldanǵan.
