«Atameken» UKP onlaın-alańynda 10 jáne 14 sáýirde Baǵdarlamany jáne qurylys salasy úshin daǵdarysqa qarsy sharalardy talqylaý ótti. QR Indýstrııa jáne ınfraqurylymdyq mınıstrliginiń birinshi vıse-mınıstri Qaıyrbek О́skenbaev, QR Indýstrııa jáne ınfraqurylymdyq mınıstrligi Qurylys isteri jáne turǵyn úı-kommýnaldyq sharýashylyq komıtetiniń tóraǵasy Marhabat Jaıymbetov, «Turǵyn úı qurylys jınaq banki» AQ tóraǵasy Lázzat Ibragımovanyń qatysýymen qurylymdy pikirtalasqa barlyq óńirlerden bıznes-qoǵamdastyq ókilderi qatysty.
Talqylaý barysynda kelesi kelisimder jasaldy:
bıznes Baǵdarlama sheńberinde nesıelik turǵyn úı boıynsha baǵalyq parametrlerdi ulǵaıtý boıynsha sharalardy qoldady, osy rette sharshy metrdiń kórsetilgen qunyna ınjenerlik-kommýnıkasııalyq ınfraqurylym jáne kórkeıtýdi jumystary kirmeıdi;
qurylys qoǵamdastyǵy atalǵan baǵadan parkıngterdi salý shyǵyndardy alyp tastaýdy usyndy;
tıisti maqsattaǵy jer ýchaskesi bar nemese kópqabatty turǵyn úı qurylysyna nemese salynyp jatqan qurylysqa arnalǵan jobalyq-smetalyq qujattamaǵa ıe adamdarǵa Baǵdarlamaǵa qatysý boıynsha jeke bastamany iske asyrý múmkindigin berý boıynsha sharalar qoldaý tapty;
UKP «Turǵyn qurylys jınaq banki» AQ-tyń «5-10-20» baǵdarlamasyn iske asyrýǵa qosymsha aqsha bólý boıynsha usynysyn qoldady, óıtkeni atalǵan baǵdarlama aıaqtalǵan / salynyp jatqan turǵyn úılerdi satýdyń qosymsha kózderin túzeıdi. Osy rette daıyn turǵyn úıdiń parametrleri qaryzdyń maksımaldy somasyna qaraı ózgeredi;
Qurylysshylar «7-20-25» ıpotekalyq baǵdarlama parametrlerin, qaıta qaraý, atap aıtqanda qaryz somasyn ulǵaıtý qajettiligi týraly pikirlerin bildirdi.
Osy rette UKP qaryz alýshylar úshin aı saıynǵy tólem mólsherin, onyń ishinde bastapqy jarnanyń qunyn 30-50%-na deıin kóbeıtý arqyly shekteýdiń nusqalaryn talqylaýǵa daıyn. Ekinshi deńgeıli banktermen birlesip, ózara tıimdi mehanımzderdi ázirleý usynylýda.
Sondaı-aq jıyn barysynda qatysýshylar Nur-Sultan jáne Almaty qalalaryna baǵdarlama shartyna sáıkes kelý óte qıyn, óıtkeni atalǵan qalalarda kópqabatty turǵyn úılerdi salý óńirlerge qaraǵanda qymbatqa túsedi (jerdiń naryqtyń qymbatshylyǵy, ınjenerlik-ınfraqurylymdy ótkizý qambatshylyǵy, 1 sharshy metrdiń qunyna áser etetin basqa da faktorlar). О́ıtkeni Nur-Sultan jáne Almaty qalalarynyń kópqabatty turǵyn úılerdi salýǵa qatysýynyń úles salmaǵy 50%-dy quraıdy. Bul qalalarǵa Baǵdarlamada erekshelikterin eskere otyryp, osy qalalarda turǵyn úıler salý jáne satý sharttary men tetikterin qarastyratyn jekelegen bólim ázirlenýi tıis.
Sáıkes usynystar QR Indýstrııa jáne ınfrqaurylymdyq damý mınıstrligi jáne QR Ulttyq ekonomıka mınıstrligine jiberildi.
