Álemge taralǵan COVID-19 juqpaly indetiniń náýbetke shaldyqtyrý qaýpi týyndaýda. Bul bir adam basyndaǵy qaıǵy emes, bar adamzatqa tóngen aýrý. Sondyqtan pandemııaǵa qarsy dúnıejúzilik birlesken maıdan ashyldy. Memleketaralyq saqtaný men saýyqtyrý sharalaryn birge atqarýǵa umtylys óris aldy. Ýaqytsha birlesken memleketaralyq medısınalyq-sanıtarlyq epıdemııalyq ǵylymı-zertteý ortalyqtary koronavırýs atty alapatqa qarsy qoldanylatyn nemese zııansyzdandyratyn, ıakı tolyǵynan emdep shyǵaratyn joldardy, ádis-tásilderdi jáne quraldardy tabý jumysyn qaýyrt qolǵa alýda. Álemdik densaýlyq saqtaý, halyq densaýlyǵynyń saýlyǵyn qamtamasyz etý, koronavırýsty múmkindiginshe zararsyzdandyrý sharalary aıasynda Qazaqstan da óziniń memlekettik áleýetin barynsha jumyldyrýda.
«Halqymyzdyń densaýlyǵy men amandyǵyna tóngen qaýiptiń salmaǵyn der kezinde ańǵaryp, aldyn alý sharalaryn alǵash qoldanǵan memleketter qatarynan kórine aldyq», dep Elbasy N.Á.Nazarbaev ádil kórsetkendeı, Memleket basshysy Q.K.Toqaev qazaqstandyqtarǵa arnaıy úndeý tastap, tıisti taktıkalyq jáne strategııalyq, kúndelikti uıymdastyrý men ádistemelik sharalardy belgilep, baǵyttaý arqyly «budan on eselep bolýy yqtımal qaýpin múmkindeginshe mınımaldandyra aldyq» (Q.Toqaev).
Halyqtyń basyna tónip turǵan myna juqpaly zulmatta el men memleket birligi, tutastyǵy – tarıhı syn. Elordamyz Nur-Sultanda, Almatyda jáne basqa qalalar men oblystarda jarııalanǵan tótenshe jaǵdaı rejimin, karantın tártibin halqymyz ustanyp, memleket úshin de, óz basy úshin de búgingi patrıotızmin kórsetýde. Halyqty kúndelikti aqparattandyrý, ózin ózi oqshaýlap zararsyzdandyrý, memleket talap etken ustanymdardy saqtaý ómir saltymyzǵa aınalýda. Sondaı-aq memleketimiz óz mindetin jaýapkershilikpen atqarýda. О́ndiristiń, bıznes pen kásipkerliktiń, aýyl sharýashylyǵynyń beıbit kúnderdegi yrǵaǵy júıesiniń buzylmaýyna, jumyspen qamtylýy ýaqytsha toqtatylǵan azamattarǵa, muqtaj otbasylaryna, ártúrli ardagerlerge jáne vırýs qaterimen tikeleı aldyńǵy shepte kúresip júrgen azamattarǵa ósimsiz kredıtter, memlekettik qoldaýlar, járdemaqylar, mınımýmdyq kómek, taǵy basqa qoldaý men jeńildikter jasalýda. Alasapyrandy paıdalaný nıetimen adastyryp, berekesizdik pen úreı týǵyzýǵa, azyq-túliktiń, janarmaıdyń, medısınalyq saqtyq-emdik quraldarynyń baǵasyn negizsiz kóterýge qarsy shekter qoıylýda. Memlekettik sharalar usynys sıpatynda emes, zańdy kúshte jumys isteýde. Sonymen birge epıdemııamen kúreste salalyq zerthanalar men ǵalymdarymyzdyń keselge qarsy vaksınalar túrin tabýdaǵy izdenisteri, koronavırýstyń belgili birtekterine naqty adamnyń shaldyǵýynyń bar-joǵyn anyqtaıtyn testiler men qurylǵylar jobalaryn ázirleýi júzege asýda. Respýblıkanyń medısınalyq kadrlary jan aıamaı, ózderine tónetin qaýip-qaterge qaramastan, aldyńǵy shepte apatty ajalmen betpe-bet aıqasýda, ózderiniń kásiptik antyna adaldyǵymen birge, azamattyq paryzdaryn jankeshtilikpen óteýde. Halyq rızalyǵy olarǵa da, olarǵa materıaldyq ótem belgilegen bılikke de sheksiz. Mine, osyndaı memleket pen jalpyhalyqtyq birlestik elimizde koronavırýs indetin uzatpaı quryqtaıtynyna senim mol.
Al endi memlekettiń ýaqytsha engizilgen temirdeı tártibiniń qýat-kúshi árbir azamattyń qoldaýyna, jaýapkershilikpen qatysýyna tikeleı baılanysty. Sondyqtan memlekettiń, medısına qyzmetkerleriniń, qarýly kúshterdiń, jýrnalısterdiń, eriktilerdiń, taǵy basqa qaýymdardyń eńbegi zaıa ketpes úshin, eldiń aman-saýlyǵy úshin otandastarymdy koronavırýspen birlesken kúresimizdi kúsheıte túsýge shaqyramyn. «Biz birgemiz!».
Maqsat QALIMOLDAEV,
«Aqparattyq jáne esepteýish tehnologııalar» ınstıtýtynyń bas dırektory, UǴA akademıgi
