Respýblıkadaǵy qylmys deńgeıi 10 myń turǵynǵa shaqqanda 118 tirkelgen qylmysty qurady. Oblystar men respýblıkalyq mańyzy bar qalalar bólinisinde 10 myń turǵynǵa shaqqandaǵy eń joǵary qylmys deńgeıi Almaty, Shymkent, Nur-Sultan, Shyǵys Qazaqstan, Batys Qazaqstan, Qostanaı jáne Aqmola oblystarynda, eń tómengi Túrkistan oblysynda baıqalady.
Aýyr jáne asa aýyr qylmystar sany ótken jyldyń uqsas kezeńimen salystyrǵanda 119,8%-ǵa artty. Qylmystar qurylymynda olardyń úles salmaǵy 20,3% (2019 jyldyń 1-toqsanynda - 9,3%), aýyrlyǵy ortasha jáne tómen 33,8% (66,5%) jáne 12,4% (14.0%) qurady.
2020 jyldyń 1-toqsanynyń nátıjeleri boıynsha tirkelgen qylmystardyń ishindegi eń úlken úlesti menshikke qarsy qylmystar alady - 72,7% (2019 jyldyń 1-toqsanynda - 76,4%), olardyń kópshiligi basqa bireýdiń múlkin urlaý - 23,7 myń oqıǵa ( 39,4 myń oqıǵa.) Aıta ketý kerek, qylmystyń osy tobynda ótken jyldyń sáıkes kezeńimen salystyrǵanda alaıaqtyq jaǵdaılary 10,2% -ǵa óskeni baıqalady.
Adamǵa qarsy qylmystar sany 3230 oqıǵany qurady, bul ótken jyldyń sáıkes kezeńimen salystyrǵanda 9,8% -ǵa az. Adam saýdasy - 50,0%, zorlaý - 36,6%, adam urlaý - 34,8%, qorqytý - 19,5% qylmystary boıynsha tómendedi.
Sonymen qatar adam óltirý sany ótken jyldyń uqsas kezeńimen salystyrǵanda 26,1% -ǵa artty.
Respýblıkada adam óltirý deńgeıi 100 myń turǵynǵa shaqqanda 1,5 quraıdy. Oblystar men respýblıkalyq mańyzy bar qalalar bólinisinde 100 myń adamǵa shaqqandaǵy adam óltirýdiń eń joǵary deńgeıi Pavlodar, Jambyl, Qaraǵandy, Aqmola oblystarynda, eń tómeni Túrkistan oblysynda baıqalady.
Respýblıkanyń quqyq qorǵaý organdary qylmys jasaǵan 21,2 myń adamdy anyqtady (2019 jyldyń 1-toqsanymen salystyrǵanda 17,5% -ǵa az), 9,2 myń adam qylmystyq jaýapkershilikke tartyldy (5,6% az). Qylmys jasaǵan barlyq anyqtalǵan adamdardyń kópshiligi jumyssyzdar - 83,8% (2019 jyldyń 1- toqsanynda 84,2%) qurady.
Ortasha alǵanda Qazaqstanda qylmys jasaǵan árbir segizinshi adam mas kúıinde, ár toǵyzynshysy derlik – top quramynda bolǵan.
Qylmys jasaǵan adamdardyń jalpy sanynan 510 adam nemese 2,4% - kámeletke tolmaǵandar, bul ótken jyldyń sáıkes kezeńimen salystyrǵanda 25,2% -ǵa az.
Olardyń ishinde tómendegi jas aralyǵynda jasalǵan qylmystar:
14-15 jas - 89 (2019 jyldyń 1-toqsanynda - 162) adam nemese kámeletke tolmaǵan quqyq buzýshylar sanynyń 17,5% (23,8%);
16-17 jas - 421 (520) adam nemese 82,5% (76,2%).
