«Jalpy alǵanda, Birgemiz qory arqyly Qazaqstannyń úsh qalasy – Nur-Sultan, Shymkent jáne Almaty qalalary úshin 5 mln. maska satyp alyndy. Almaty men Nur-Sultan qalalaryna eki mıllıon maskadan bólingen. Elordanyń 40 myń otbasyn qamtý josparlanýda. Árbir otbasyna 50 maskadan taratylady», - dedi E.Beısenbaev.
Bul baǵyttaǵy jumystar Nur-Sultan qalasy ákimdiginiń jastar saıasaty basqarmasy qoldaýymen, eriktiler uıymymen birlesip júrgiziledi. Barlyq eriktiler arnaıy qorǵanys kostıýmderin kıedi.
«Búgin biz eki myń otbasyna 100 myńǵa jýyq maska taratýdy josparlap otyrmyz. Odan ári jumys karantın bitkenshe jalǵasady», - dep atap ótti E.Beısenbaev.
Esterińizge sala keteıik, «Biz birgemiz!» aksııasy aıasynda 5 myńnan astam otbasy azyq-túlik sebetimen jáne gıgıena quraldarymen qamtylǵan bolatyn.
