Osyǵan sáıkes, oblystyq mańyzy bar 440 shaqyrym joldy jóndeý jáne qaıta jańartý josparlanǵan. 6 aýdan ortalyǵyndaǵy joldar jóndeledi. Sonymen qatar oblystyń barlyq óńirinde kentishilik joldardy jańartý kózdelgen. Aımaqta jergilikti mańyzy bar avtomobıl joldarynyń uzyndyǵy 5626 shaqyrymdy quraıdy. Onyń 2661 shaqyrymy oblystyq, 3 myńǵa jýyq shaqyrymy aýdandyq mańyzdaǵy joldar.
– Jol qozǵalysynyń qaýipsizdigin qamtamasyz etý maqsatynda jyl saıyn bıýdjet esebinen jol jóndeý jumystaryna qomaqty qarajat qarastyrylady. Onyń ishinde jol salý, qaıta jańartý jáne kúrdeli, sondaı-aq aǵymdaǵy jóndeý jumystary josparlanǵan. Bıyl jergilikti mańyzy bar avtomobıl joldaryn jóndeýden ótkizýge 24 mıllıard teńge baǵyttalyp otyr, – deıdi oblystyq jolaýshylar kóligi jáne avtomobıl joldary basqarmasy jetekshisiniń orynbasary Vladımır Kýlakov.
Oblys ortalyǵynda qala ishilik joldarǵa jóndeý jumystary qarqyndy júrgizilýde.
– Dál qazir Pýshkın kóshesinde asfalt-beton tósep jatyr. Tehnıka men jumys kúshi jetkilikti, – deıdi ýchaske sheberi Ekpin Moldahmet.
Ústimizdegi jyly Balkashıno - Shantóbe baǵyty men Jańa Kolýton - Azat - Mınsk joldaryna kúrdeli jóndeý jumystary júrgizilmek. Sondaı-aq Aqkól-Jýravlevka, Qonysbaı - Seıfýllın - Qyzylsaıa eldi mekenderiniń arasyndaǵy joldar jańartylady.
Aqmola oblysy
