Bul týraly Facebook-te habarlaǵan «Qazposhta» AQ Basqarma tóraǵasy Sáken Sársenov zeınetkerlikke shyqqan klıentterimizdiń arasynda zeınetaqylaryn bólimsheden karantınnan keıin alǵysy keletinder bar ekenin jazdy.
– Qazposhta respýblıka boıynsha shamamen 1 mln zeınetkerge qyzmet kórsetedi. Bul bizdiń halyqtyń eń osal bóligi, tipti keıbireýleri óz balalary men týystarynyń qoldaýyna zárý. Qazir bizdiń birneshe fılıalymyz eriktilerdiń qataryna qosylyp, olarǵa azyq-túlik pen qajetti taýarlardy jetkizýge kómektesip júr. Sonymen qatar biz ár zeınetkerge telefon soǵyp, aqshany úıge alyp kelý nemese kartaǵa aýdarý úshin olardyń tizimin qurastyrýdy bastadyq. Ár aımaqta myńdaǵan ótinishterdi qabyldaıtyn jáne óńdeıtin, tólem kartalaryn rásimdeıtin jáne sıfrlyq saýattylyq negizderin úıretetin qyzmetkerlerdi belgilep, qajetti jumystyń bárin jasap shyqtyq. Búgin sáýir aıynyń zeınetaqysy tolyǵymen úlestirildi, – dedi S.Sársenov.
Qazposhta burynnan beri 80 jastan asqan qarııalarǵa jáne shalǵaıdaǵy aýyldarda turatyn zeınetkerlerge aqshalaryn úıine deıin jetkizip kele jatyr.
