«Adal kómek» jobasyn tanymal advokat, Ulttyq qoǵamdyq senim keńesiniń múshesi, adam quqyqtary jónindegi sarapshy Aıman Omarova basqarady. Sybaılas jemqorlyqqa qarsy is-qımyl agenttigi atalǵan jobanyń keń aýqymda jumys isteýi úshin bilikti advokattardy, eldiń jetekshi zańgerleri men quqyqtanýshylaryn tartyp jatyr.
Joba arqyly kez kelgen azamat onlaın rejımde áleýmettik oqshaýlaýdy saqtaı otyryp joǵary bilimdi mamandardan jan-jaqty quqyqtyq keńes ala alady. Tótenshe jaǵdaı jarııalanǵan sátten bastap 246 000-nan asa adamdy qamtyǵan 79 ret tikeleı efır uıymdastyryldy. Jalpy bul qyzmetke 10 myńnan asa azamat júgindi.
Oń tájirıbeni taratý maqsatynda ortalyq memlekettik jáne jergilikti atqarýshy organdardyń, «Azamattarǵa arnalǵan úkimet» kommersııalyq emes aksıonerlik qoǵamynyń jáne «Atameken» ulttyq kásipkerler palatysynyń ókilderin tartý kózdelip otyr.
