Tótenshe jaǵdaı jarııalanǵan sátten bastap kóshbasshy jastardyń, tanymal blogerler men tulǵalardyń qatysýymen 123 beıne-úndeý jarııalandy. Sonymen qatar shamamen 78 myń adamdy qamtyǵan 200-ge jýyq tikeleı efır uıymdastyryldy.
Sybaılas jemqorlyqqa teris yqpalyn keńinen túsindirgen is-sharalardyń qatarynda respýblıkalyq aıtysty atap ótýge bolady. Buǵan elimizdiń óńirlerinen 16 aqyn qatysty.
Sondaı-aq «Sanaly urpaq» jobasy «Talap» qoldanbaly zertteýler ortalyǵymen birlesip elimizdiń joǵary oqý oryndarynda sybaılas jemqorlyq deńgeıin anyqtaý úshin 10 myńnan asa stýdentke onlaın saýalnama júrgizdi.
Atalǵan joba aıasynda 10 sáýirde oqýshylar men stýdentter arasynda sybaılas jemqorlyqqa qarsy taqyrypta esse jáne óleńder jazý, sýret salý, beınerolıkter boıynsha onlaın-baıqaý bastaldy.
